Эҕэрдэлиибит!

ebb35807c084fea6d1e1c365961f5507 a70e1

Дьоһун-мааны Николай Павлович!
Ытыктабыллаах музыканнар!

Сахалыы куттаах, сахалыы иэйиилээх урааҥхай саханы долгулдьутар, дэгдэҥнэтэр, үрдүккэ, кэрэҕэ угуйар, көтүтэр муусуканан угууттаабыккыт үйэ чиэппэрэ буола охсубут.
Ол кэм устата саха муусукатын, саха тыынын хас биирдии дэгэтин кыл кылыһахха тиһэн, кыталык кыҥгынас кырыымпатыгар кытыаран, дохсун баалын дьөллөкөй күпсүүргэ холбоон үгүс да кэрэ түгэни бар дьоҥҥутугар бэлэхтээтигит!
Адаам Искирээбин, Сүөлэр Харньыылап, Сахаар Мөлөкүүрэп, Кэтириинэ Сахаараба, Аана Дьөгүөрэбэ, Бэлиэрий Нуойап, эдьиийбит Уольга Уйбаныаба, кэрэ ырыалара эһиги көмөҕүтүнэн иккистээн тилиннилэр.
Олоҥхо тыйаатырыгар «Дьулуруйар Ньургун боотур» олоҥхо тойугун муусукаҕа тиһэҥҥит САХА ОЛОҤХОТУН саҥалыы тыыннаатыгыт.
Улуу бэйиэт Сэмэн Дайыылап эһиги айар талааҥҥыт киэҥ эйгэтин хоһоон хомоҕой тылыгар маннык холбообут:

Мин истэбин
Аан дойдум барҕатын, баайын
Мин субу баардыы илэ көрөбүн
Кини күн дьүһүлгэнин
Сүүс кырааскатын.
Арыт ылааҥыны, ыйдаҥаны,
Арыт үрүҥ күнү, кыыһар сардаҥаны,
Арыт дьүлэй түүнү, ыас хараҥаны,
Арыт маҥантан маҥан хаар кыымын,
Арыт сардаана умайар кутаатын,
Арыт биэ эмиицин нарыын намчытын,
Арыт дьүкээбил уотун суостаах суһумун,
Арыт тоҕус халлаан арылы кустугун,
Арыт тоһуттар тумнуулар аан туманнарын,
Арыт этиҥнээх чаҕылҕан дарбаанын
Мин истэбин муусука алыптаах тойугар!..
Дьоһун-мааны Николай Павлович!
Ытыктабыллаах музыканнар!
Бар дьоҥҥутун үрдүккэ, үөрүүгэ көтүтэ
Айар аартыккыт арыттан истин!
Саргы-дьаалы, Өрөгөй-талаан буоллун!

Олоҥхо тыйаатырын сугулаана
Ыам ыйын 5 күнэ, 2018 сыл

 

Эҕэрдэлиибит!

9b80ca7d9c8e 8bf02

Муус устар ыйга төрөөбүт күннээхтэри эҕэрдэлиибит!

Захаров Анатолий Анатольевич муус устар 3 күнэ
Тимофеев Никандр Прокопьевич муу устар 6 күнэ
Борисова Степанида Ильинична муус устар 15 күнэ
Дьячковский Александр Игоревич муус устар 23 күнэ
Власьева Майя Николаевна муус устар 30 күнэ

Олоҥхо Театрын бар дьоно

 

Эҕэрдэлиибит!

1507983031 549b54f1 33394

Олоҥхо театрын эдэр кэскиллээх олоҥхоһута
Василина Васильевна!

Саха Республикатын култууратын туйгуна
буолбуккунан итиитик-истиҥник үөрэн туран эҕэрдэлиибит!
Баҕарабыт айымньылаах үлэни, саҥа үрдэллэри, элбэх көрөөччүлэри!

Олоҥхо тыйаатырын сугулаана

Муус устар 19 күнэ
2018 сыл

 

Эҕэрдэлиибит!

115 bfed8

Ытыктабыллаах Варвара Семеновна!

Олоҕуҥ бэлиэ кэрдииһин аанын аһар үөрүүлээх күҥҥүнэн итиитик-истиҥник эҕэрдэлиибит!
Биһиги Эйигин дьону түмэ тардар дьоһун дьоҕурдаах салайааччы быһыытынан билинэбит уонна ытыктыыбыт!
Эн сырдыҥ баҕаҥ, сыралаах үлэҥ үтүө түмүктэригэр тэҥҥэ үөрэбит, кэрэхсэллээх үлэҕин сэргиибит, биһириибит! Эн чаҕылхай өйүҥ-санааҥ өссө күүстээхтик, уохтаахтык, төлөннөөхтүк эдэр ыччаты уһуйа турдун! Таһаарыылаах үлэҕэр кэлэр да кэмнэргэ ситиһии сиэттистин, хайҕал ханыыластын, билинии билистин, үөрүү үмүөрүстүн, сэҥээрии сэлэлээтин диэн сахалыы алгыспытын аныыбыт!
Баҕарабыт үлэҕэр өссө үрдүк ситиһиилэри, кытаанах доруобуйаны, дьон-сэргэ барҕа махталын мэлдьи ыла тураргар! Төрөөбүт дойдун тыйыс айылҕата, сылаас сибиэһэй салгына эйиэхэ өйү-санааны чэбдигирдэр, тыыны-быары кэҥэтэр айылгылаах буоллун диэн баҕа санаабытын этэбит!

Кулун тутар 28 күнэ 2018 сыл

 

Эҕэрдэлиибит!

e633a7ddfc03 ad3e9

Олунньу ыйга төрөөбүт күннээхтэри эҕэрдэлиибит!

Саввина Сардана Револьевна - Олунньу 1 күнэ
Софронова Зинаида Капитоновна - Олунньу 3 күнэ
Оленова (Баишева) Лена Семеновна - Олунньу 5 күнэ
Маркова Мария Маркеловна - Олунньу 5 күнэ
Иванов Прокопий Владимирович - Олунньу 6 күнэ
Исаков Валентин Гаврильевич - Олунньу 6 күнэ
Захарова Агафия Еримеевна - Олунньу 9 күнэ
Федотова Долаана Чындаевна - Олунньу 12 күнэ
Софронов Евгений Рафаэлович - Олунньу 17 күнэ
Чусовская Валентина Александровна - Олунньу 20 күнэ
Турантаева Мария Васильевна - Олунньу 22 күнэ
Михалев Владимир Александрович - Олунньу 23 күнэ

Олоҥхо театрын бар дьоно

 


Страница 2 из 40

Иван Шакуров

И.Ю. Пестряков

Афиша

"Туйаарыма Куо" (Китай) в исполнении Пекинского театра опера Куньцю
«Светлоликая Туярыма Куо» пьеса П.А. Ойунского созданная по сюжету олонхо «Нюргун Боотур Стремительный». История...

Поиск