Күндү “Виктория” радио үлэһиттэрэ уонна “Виктория” радио эрэллээх истээччилэрэ!

den radio f4e9c

Күндү "Виктория" радио үлэһиттэрэ уонна "Виктория" радио эрэллээх истээччилэрэ!

Эһигини Аан дойду үрдүнэн соҕотох "Олоҥхо" театра,
Радио күнүнэн ис сүрэҕиттэн эҕэрдэлиир!
Үйэлэри уҥуордаабыт Олоҥхо тойугун курдук эһиги долгуҥҥут саха дьонун сүрэҕин үөрдэ, долгута, өрүкүтэ туруохтун!

Эҕэрдэни кытта "Олоҥхо театрын" коллектива

 

Саас уонна Үлэ бырааһынньыгынан!

1 may ef409

Саас уонна Үлэ бырааһынньыгынан!

Арылыйа сырдыыр
Аламай күммүт анныгар,
А5ыс иилээх-саҕалаах
Аан ийэ сирбитигэр,
Ыам ыйын ытык сыдьаайа
Ырылыччы тыкпытынан
Ыраас сырдык эҕэрдэ буоллун!
Барыбыт баҕа санаата
Барҕара туола турдун!

Олоҥхо театрын бар дьоно

Ыам ыйын 1 күнэ, 2013 сыл
Дьокуускай к.

 

Муус устар 27 күнэ - Саха республикатын күнэ!

flag sakha 526e0

Муус устар 27 күнэ - Саха республикатын күнэ!

Саха саха буолар
Саргылаах күнүнэн!
Ыраас сырдык халлааннаах
Муус устар 27 күнүнэн!
Өрөспүүбүлүкэ диэн ааттаах
Өрөгөйдөөх күммүтүнэн!
Кэхтибэт кэрэлээх
Кэрэ саас кэлбитинэн!
Барҕа быйаннаах Саха сирин
Олохтоохторун эҕэрдэлиибит!

Олоҥхо театрын бар дьоно

Муус устар 27 күнэ, 2013 сыл
Улуу Туймаада

 

Эҕэрдэлиибит Петров Николай Павловичы!

theatre 052

Күндү Николай Павлович!

Эн кыһамньыгынан, күүстэээх санааҕынан, тэрийэр талааҥҥынан СҮҮРБЭ сыллааҕыта Саха национальнай оркестра аан маҥнай тэриллибитэ. Аан маҥнай Улуу Туймаада үрдүнэн саха омук алыптаах музыкатын көмүс дорҕоонноро кыырайа көппүттэрэ.

Ол күнтэн саха бастакы композитордара Адам Скрябин, Федор Корнилов, Марк Жирков саха музыкатын сайдыытыгар сахпыт кыымнара сарыал-кутаа буолан сириэдийэ умайбыта!

Эн дорҕоонуҥ эрчимирэ көтөр
Орулуос куһугурас дохсунунан.
Арыт чап-чараастык намылыйар
Хатыҥҥа ыйаммыт хаар кыыма буолан!
Арыт тохтор көмүс толбоннонор,
Арыт күн сардаҥата куйахтанар,
Арыт уордаах этиҥ доҕуһуолланар,
Арыт курбуу чаҕылҕан аргыстанар!
Эн дорҕоонуҥ ымманыйа туонар
Этиллибэтэх сырдык таптал туһунан,
Оччоҕо дьон сүрэҕэ дьоллонор,
Эппэйэр тааллыбатах тапталынан!

Күндү доҕорбут Николай Павлович! Сүүрбэ сыл устата көмүс дорҕооннортон күүс мунньуммут хотоҕойуҥ кытаатан өссө үрдүккэ кыырайа көт, бар дьонуҥ сүрэҕин дьоллоо! Эйиигин һСаха Кыайыытын маршаһ олоҕуҥ тухары доҕуһуоллаатын!

Олоҥхо театрын коллектива
Муус устар 26 күнэ, 2013 cыл. Улуу Туймаада

 

Эҕэрдэлиибит Кузьмина Анна Ивановнаны!

1300198733 kuzmina-anna-ivanovna f4c0f

РСФСР Үтүөлээх, Саха Республикатын народнай артыыската Ытыктабыллаах Анна Ивановна!

Орто туруу дойдугар
Оҕо буолан улаатан,
Киһи буолан киэркэйэн,
Талбыт курдук талааннаах
Артыыс буолан аатыран,
Айхаллаах сааскар диэри
Айа – тута сылдьаргынан,
Истиҥник эҕэрдэлиибит!

Икки атахтаах кэрэ, дьикти, дьиибэ дьахталларын уобарастарын,
Үйэлэргэ умнуллубаттыы умсулҕаннаахтык илбистээн,
Иччилээн айан көрөөччүлэргэр бэлэхтээбит кэрэ түгэннэриҥ
Биһиэхэ оскуолабыт, киэн туттуубут буолар.

Олоҥхо театрын бар дьоно

Муус устар 20 күнэ, 2013 с.
Улуу Туймаада Эбэ Хотун

 


Страница 38 из 39

Иван Шакуров

И.Ю. Пестряков

Поиск