"Кэхтэри билбэтэх Уолан Эрилик"

amma satagai a3f29Амма улууһун Сатаҕайдааҕы народнай театра Петр Игнатьев «Кэхтэри билбэтэх Уолан Эрилик» олоҥхотун бу дьыл кулун тутар 17 күнүгэр Олоҥхо театрын саалатыгар туруоран көрдөрдө. Спектакльга барыта 40 киһи кытынна. Элбэх эдэр ыччат, оҕолор кыттыыны ылбыттара кэрэхсэбиллээх. Сатаҕайдааҕы народнай театр артыыстарын кулууп дириэктэрэ Екатерина Ивановна Аммосова иилээн-саҕалаан илдьэ сырытта. Испэктээкили кулууп художественнай салайааччыта Саргылана Анатольевна Лебедкина туруорда.

Олоҥхо программатыттан грант ылбыт коллективтар үлэлэрин түмүгүн салгыы маннык отчуот курдук көрүү былааннаахтык тэриллиэхтээх.
Көрөөччүлэр туруорууну олус сэргээн, болҕойон көрдүлэр, иһиттилэр. Түмүгэр СР культураҕа уонна духуобунай сайдыыга миниистирэ А.С. Борисов Сатаҕайдааҕы народнай театр артыыстарыгар олоҥхону үйэтитиигэ, тарҕатыыга ыытыллар үлэҕэ көхтөөх кыттыыларын иһин махтанна, сүбэ-ама биэрдэ, өйдөбүнньүк бэлэх туттарда.
amma satagai 2 d15a4Коллектив олус тэрээһиннээхтик кэлэн кыттыбытыттан үөрдүбүт, үлэлэрин түмүгүн көрөн астынныбыт, тыллара-өстөрө чочуллубут, элбэх саҥа таҥас тиктибиттэр. Олоҥхо иккис чааһын туруорарга салгыы өссө ситиһиилээхтик үлэлииллэригэр баҕарабыт. Коллектив үлэтин түмүгэ видеокамеранан уһуллан, хаартыскаҕа түһэриллэн үйэтитилиннэ.
Улуустар олоҥхону харыстааһыҥҥа ыытар кэскиллээх үлэлэрэ киэҥ эйгэҕэ тахсарыгар күүс-көмө буолбут Олоҥхо театрын коллективыгар тэрийээччилэр ааттарыттан дириҥ махтал тылларын этэбит уонна бу үлэ Олоҥхо Декадатыгар тэриллэн үтүө үгэскэ кубулуйуо диэн эрэнэбит.

 

 

Республикатааҕы Олоҥхо киинэ

 

Вернуться назад  

Иван Шакуров

И.Ю. Пестряков

Афиша

Театр Олонхо приглашает на спектакли!
Дорогие друзья! Театр Олонхо приглашает на спектакльолонхо «Ала Булкун» в постановке Гаврила Менкярова 28 и 29...
БОЛҔОЙУҤ! СЭРГЭЭҤ! КЭЛИҤ!
Олоҥхо тыйаатыра Өксөкүлээх Өлөксөй аатынан Норуоттар доҕордоһууларын Дьиэтигэр бар дьонун олунньу 1112 күннэригэрсаха классик суруйааччылара...

Поиск