Саха сирин суруйааччыларын ХVI съеһэ

Бэҕэһээ, алтынньы 1 күнүгэр Дьокуускайга Саха сирин суруйааччыларын уочараттаах ХVI съезтэрэ ыытылынна.

Россия Суруйааччыларын союһун бу биир саамай биллэр-көстөр, көхтөөх, айымньылаах үлэлээх Саха сиринээҕи салаата бүгүҥҥү күҥҥэ 76 чилиэннээх.
 Съезд үлэтигэр СР Правительствотын Предсе-дателин солбуйааччы Феодосия Габышева кыттыыны ылла, кини съезд делегаттарыгар СР Президенэ Егор Борисов Эҕэрдэ суругун туттарда, итиэннэ, олохтоох омуктар 5 тылларынан сайдар Саха сирин литературатыгар, Суруйааччылар союзтарын үлэтигэр үрдүк сыанабылы биэрэн туран, айар үлэһиттэргэ СР Президенин уонна СР Правительствотын Председателин Махтал суруктарын туттарда. Итиэннэ делегаттары СР Культураҕа, духуобунай сайдыыга министрин I солбуйааччы Туйаара Пестрякова истиҥник эҕэрдэлээтэ, кинилэргэ министерство Махтал суруктара ананна.
 Съезд бэбиэскэтигэр Саха сирин Суруйааччыларын союһун үлэтин отчуота, Устаапка уларытыылары киллэрии, Россия Суруйааччыларын союһун съеһигэр делегаттары талыы итиэннэ бырабылыанньа саҥа састаабын, бырабылыанньа чилиэннэрин талыы боппуруостара киирдилэр.
 Мунньахха киирии тылы РФ Суруйааччыларын союһун бырабылыанньатын сопредседателэ, саха народнай суруйааччыта Николай Лугинов эттэ. Саха сирин Суруйааччыларын союһун 5 сыллаах үлэтин отчуоттаан, бырабылыанньа председателэ, народнай поэт Наталья Харлампьева дириҥ ис хоһоонноох, интэриэһинэй дакылааты оҥордо. Дакылааты дьүүллэһиигэ тыл эттилэр СР народнай суруйааччыта Андрей Кривошапкин, поэт Сергей Москвитин, «Бичик» кинигэ кыһатын директора Август Егоров, прозаиктар Татьяна Находкина, Павел Харитонов-Ойуку, о.д.а.
 Съезд уураах ылынна. 9 киһилээх саҥа бырабылыанньа талылынна. Кистэлэҥ куоластааһын түмүгүнэн Саха сирин Суруйааччыларын союһун бырабылыанньатын председателинэн Наталья Харлампьева, солбуйааччыларынан Николай Калитин уонна Гаврил Андросов талылыннылар.

Татьяна МАРКОВА.

Вернуться назад  

Иван Шакуров

И.Ю. Пестряков

Афиша

"Туйаарыма Куо" (Китай) в исполнении Пекинского театра опера Куньцю
«Светлоликая Туярыма Куо» пьеса П.А. Ойунского созданная по сюжету олонхо «Нюргун Боотур Стремительный». История...

Поиск