Таатта улууһугар туос Моҕол ураһаны үлэҕэ киллэрдилэр

Бүгүн, балаҕан ыйын 26 күнүгэр Таатта улууһун Баайаҕа нэһилиэгэр туостан тигиллибит Моҕол ураһа үөрүүлээх арыллыыта ааста.

«Биллиилээх норуот маастара, Саха сирин култууратын үтүөлээх үлэһитэ Борис Неустроев–Мандар Уус олоҕун бүтүннүүтүн саха төрүт үгэһин чөлүгэр түһэриигэ анаата. Өрөспүүбүлүкэ 20 улууһун маастардара былыргы сахалыы ньыманан духуобунай култуура эбийиэгин туттулар. Туһаныллыбыт туос барыта Саха сиригэр хомулунна. Мандар Уус курдук маастардар баар буоланнар, саха култуурунай нэһилиэстибэтин бүгүҥҥү күҥҥэ диэри харыстаан илдьэ кэллибит», – диэн Ил Дархан Айсен Николаев эттэ.

Саҥа эбийиэк Томтор сэлиэнньэтигэр Борис Неустроев – Мандар Уус 75 сааһын туолар үбүлүөйүгэр ананар тэрээһиинэр чэрчилэринэн тутулунна. Моҕол ураһа киирэр этнокултуурнай комплекса сэлиэнньэ социальнай-экономическэй уонна култуурнай-духуобунай сайдыытын былааныгар олоҕуран тэрилиннэ. Инникитин манна «Уус түмэлэ» Саха сирин тимир уустарын түмэлэ уонна балаҕан оҥоһуллуохтаах.

«Биһиги олохпут тухары таласпыт сыалбытын ситистибит. Ыра санааны олоххо киллэрэргэ киһи сааһа суолтаны оонньооботун өйдөөтүм. Моҕол ураса бүтүн саха норуотун муҥура суох сыралаах үлэтин түмүгүн көрдөрөр, кини Саха сирин маастардарын түмтэ», – диэн норуот маастара Борис Неустроев–Мандар Уус эттэ.

Источник: http://nvk-online.ru

Вернуться назад  

Иван Шакуров

И.Ю. Пестряков

Афиша

“Өрүс бэлэхтэрэ” испэктээк премьератыгар ыҥырабыт!
Дьокуускай куорат олохтоохторо уонна ыалдьыттара!Өксөкүлээх Өлөксөй үйэлээх үтүө аатын өрө тутан кини аатын сүгэр Норуоттар...
Өксөкүлээх Өлөксөй “Ойуун түүлэ” поэматынан испэктээгэр бар дьоммутун ыҥырабыт!
Саха классик суруйааччыта Алексей Елисеевич Кулаковскай айар үлэтин 120 сылынан Олоҥхо тыйаатыра төрүттэмитэ 12 сыла...

Поиск