Олоҥхо ыһыаҕын брендбугун бигэргэттилэр

Биллэрин курдук, өрөспүүбүлүкэтээҕи XIV Олоҥхо ыһыаҕа быйыл өҥ буордаах Өлүөхүмэ улууһугар, айылҕа маанылаан, анаан-минээн айбыт сиригэр-уотугар – Аанньаах хочотугар ыһыллыахтаах.

 

Быйылгы Олоҥхо ыһыаҕа Өлүөхүмэҕэ ыытыллара суолталаах. Ол курдук, Өлүөхүмэ куорат төрүттэммитэ 385 сылын, улуус тэриллибитэ 90 сылын, Ыспааскай таҥара дьиэтэ аһыллыбыта 150 сылын, биллиилээх олоҥхоһут Михаил Шараборин-Кумаарап төрөөбүтэ 155, ийэ олоҥхоһут Афанасий Соловьев төрөөбүтэ 85 сылын бэлиэтиэхтэрэ.

 

Балачча уһун дьүүллээһии кэнниттэн, ааспыт нэдиэлэҕэ хамыыһыйа Олоҥхо ыһыаҕын брендбугун бигэргэттэ. Брендбугу улуус ирдэбилинэн, уратытын учуоттаан туран “Ректайм” хампаанньа дизайнера айбыт. Брендбук туох баар докумуонтан саҕалаан, таҥаска-сапка, сувенирга тиийэ туһаныллыахтаах.

Брендбукка олоҥхо этиллэр дорҕоонун долгуна ойууланар. Манна Өлүөхүмэ кэрэ көстүүлээх айылҕата барыта арыллар — бултаах-алтаах баай тыабыт, сүүрүгүрэ устар долгуннаах өрүспүт, сайа охсор салгыммыт, саһарчы буспут бурдукпут…” — диэн Олоҥхо ыһыаҕын улуустааҕы дирекциятын салайааччытын солбуйааччы Саргылана Свешникова билиһиннэрэр.

Өрөспүүбүлүкэҕэ төһө даҕаны коронавируһунан сибээстээн ыксаллаах балаһыанньа биллэрилиннэр, өлүөхүмэлэр Олоҥхо ыһыаҕар бэлэмнэниини тохтоппоттор, “баҕар” диэн тылы билиммэттэр, Аанньаах хочотугар үлэ күөстүү оргуйар.

Людмила ПОПОВА, «Саха сирэ» хаһыат, edersaas.ru
Хаартыска: пресс-сулууспа

Вернуться назад  

Иван Шакуров

И.Ю. Пестряков

Афиша

“Өрүс бэлэхтэрэ” испэктээк премьератыгар ыҥырабыт!
Дьокуускай куорат олохтоохторо уонна ыалдьыттара!Өксөкүлээх Өлөксөй үйэлээх үтүө аатын өрө тутан кини аатын сүгэр Норуоттар...
Өксөкүлээх Өлөксөй “Ойуун түүлэ” поэматынан испэктээгэр бар дьоммутун ыҥырабыт!
Саха классик суруйааччыта Алексей Елисеевич Кулаковскай айар үлэтин 120 сылынан Олоҥхо тыйаатыра төрүттэмитэ 12 сыла...

Поиск