ЯПОНИЯ ДЬИКТИ ДОЙДУ

75595346 20e1dИкки нэдиэлэ иhигэр бүтүн омук туhунан киhи сатаан сыана быспата буолуо эрээри, дьоппуон дьоно элэккэйдэринэн, мичээрдэринэн, ис иһиттэн сиэрдээх, килбик майгыларынан миигин сөхтөрдүлэр.
Аны биири бэлиэтии көрдүм. Бэйэ киэнин үрдүктүк тутуу, ону ааһан бэйэ киэнигэр сүгүрүйүү. Туох да буоллун, астан-таҥастан саҕалаан культураларыгар, искусстволарыгар, театрдарыгар, храмнарыгар тиийэ, өрүстэригэр, күөллэригэр, үүнээйилэригэр, бонсай мастарыгар кытта.

Бэл тулалыыр сымара таастары анаан-минээн болҕомто ууран олорон эрэ одуулуур культуралаахтар. Оттон, Фудзи Сан хайаны уратытык ытыгылаан үрдэтэн сыһыаннаһаллара уонна онуоха Аан дойдуну итэҕэппиттэрэ биллэр суол.
Но, Кабуки театр аҕамсыйбыт артыыстара – “человек, национальное сокровище” диэн ааттаналлар. Учууталы, эмчити “Сенсей” диэн уратытык өрө тутан ааттыыллар.

Бу барыта кэтэхтээх, дириҥ-силистээх өйтөн-санааттан тахсыбыта өтө көстөр. Онон, дьоппуоннар бэйэни убаастанар, улахан санаалаах омуктар эбит диэн өйдөбүлгэ кэлэҕин.
Биллэн турар, ол сыанаҕа эмиэ көстөр. Маҕаһыыҥҥа киирдэххэ, Япония аһа да, таҥаһа да тастан киирбит импортнай астан, таҥастан хас да бүк ыарахан буолуон сөп. Ол гынан баран, дьоппуон киэнэ тас көстүүлүүн, дуйдуун-хахтыын барыта эстетика уран искусствотыгар олоҕурбут буолар.
Эһиэхэ анаан, Дьикти дойду – Япония диэн биэриини бэлэмнээтибит.
Аал Луук мас бүгүҥҥү ыалдьыта, Японияҕа олорор саха ыалын мааны хотуна Вида Ефремова.

Көрүҥ алтынньы 23 күнүгэр киэһэ 18,15 чааска “Дьикти дойду – Япония”
Хатыланыыта алтынньы 24 күнүгэр күнүс 12.30 чааска
https://youtu.be/YK56wwY8qmg

Источник: https://www.instagram.com

Вернуться назад  

Иван Шакуров

И.Ю. Пестряков

Афиша

"Туйаарыма Куо" (Китай) в исполнении Пекинского театра опера Куньцю
«Светлоликая Туярыма Куо» пьеса П.А. Ойунского созданная по сюжету олонхо «Нюргун Боотур Стремительный». История...

Поиск