Профессор Никита Деевич Архиповтыын сэһэргэстим

70242463 514380395794611 7865278697215415609 n b8be2Профессор Никита Деевич Архиповтыын сэһэргэстим. Эфиргэ сэтинньигэ тахсыаҕа.
Урукку кэпсэтиибит сыылката: https://youtu.be/8WH-bBB3xq0
Бүгүҥҥү кэпсэтиибит сүрүн темата “саха омук өйө-санаата, сиэрэ-майгыта”.
Омукка наһаа ыарыылаах, кыбыстыылаах, сааттаах да диэххэ сөп, миигин өрүү дьиксиннэрэр, омугу иһиттэн алларытар түгэннэри хаарыйдыбыт. Ол чулууларбытын бүттэтэ суох гына үөҕэн самнара сатааһын, омукпут киэн туттуута буолбут дьону түһэрии. Холобур, Андрей Борисовы, кини тугу да оҥордун наар түһэрэбит, үөҕэбит. Бу күннэргэ А.С.Борисов федеральнай суолталаах дьайыы оҥордо. Өр сылларга туруорсан, үгүс Россия бас-көс дьонун кытта кэпсэтэн, өйөбүлүн ылан Москваҕа Национальнай театр дьиэтин тутар туһунан тыл эттэ. Онуоха биһиэхэ наһаа куһаҕан скептическэй тыл-өс бөҕөтө таҕыста. Федераллар үптэригэр тутууну тоҕо, туохтан итинник өргөйөн туран утараллар? Бу туох эрэ кэтэх өйдөбүллээх, бөрүкүтэ суох ис хоһоонноох суол.

68690851 2259595587501822 3641226038508183127 n 2ab01Атын өттүттэн, бу маннык үөҕүү кэнниттэн дьон сэргэ баар суох чулуу уолларын көмүскэһиэх тустаах этилэр буоллаҕа, ол суох. Хайдах да дьаабылаатыннар диэх курдук. Репрессия кэмэ ааспыта, Аммосовтааҕы, Ойуунускайдааҕы көмүскэһэн былаҕайга былдьатар кутталлаах кэм буолбатах. Билигин көҥүл үйэ.Арай көҥүл үйэҕэ чулууларбытын араҥаччылааһын, көмүскэһии биһиги омукка суоҕа дьикти уонна дьиксиннэриилээх.
Ити биһиги омугу хайдах да киэргэппэт, өрө таһаарбат, ордук атын омук хараҕар. Рамзан Кадыровы Россия СМИтыгар хаарыйбыттарыгар, баһылыктарын достоинствотын көмүскээн аҕыйах чаас иһигэр, 10-нан тыһыынча киһи болуоссакка мустан, итинник быһымах тылы-өһү ылымматтарын уордайан туран биллэрбиттэрэ. Чечен норуота достоинстволаах улахан норуот. Ол да иһин ити үлүгэрдээх иэдээнтэн бүтүн хааларын таһынан өссө бөҕөргөөн таҕыста. Онтон биһиги?
Тоҕо итиннигий?Хайдах эмэ гынан, ити мөлтөх быһыы ыар содулун өйдөөн, дьон сэргэ киэҥ араҥата бэйэтин чулуу дьонун булгу көмүскэһиэхтээх. Ол норуот тус бэйэтин достоинствотын, сүрүн көмүскэниитэ буолар. Норуот киэҥ араҥатыгар манныгы тохтотор кыах баар дуо? Эбэтэр, биһигини үөҕэн кэпсиир анекдоттарын ис хоһоонун бигэргэтэн амырыын сиргэ дьөлө дьуоҕарабыт дуу? Анаан сахалыы суруйдум. Эhиги туох дии саныыгыт?

Евдокия Избекова

Вернуться назад  

Иван Шакуров

И.Ю. Пестряков

Афиша

"Туйаарыма Куо" (Китай) в исполнении Пекинского театра опера Куньцю
«Светлоликая Туярыма Куо» пьеса П.А. Ойунского созданная по сюжету олонхо «Нюргун Боотур Стремительный». История...

Поиск