П.А. Ойуунускай "Дьулуруйар Ньургун Боотур" олоҥхотунан дьүһүйүү

b1fe6896 20f4 41ce b506 82360368264f a6fd6Бүгүн, 29.11 Саха театрын кыра залыгар П.А. Ойуунускай "Дьулуруйар Ньургун Боотур" олоҥхотунан дьүһүйүүнү Уус Алдан Суоттутугар аһаҕас халлаан анныгар уус-уран киинэ оҥорон устубуттарын мустубут дьон сэҥээрэн көрдүбүт.
Киинэ сценарист-режиссера - Саргылана Семеновна Егорова. Олоҥхоһут оруолун Иннокентий Иннокентьевич Птицын толордо.
Киинэҕэ саха ыала дьиэ-уот тэринэн ньир-бааччы, бэрт чөллөөхтүк олороро көстөр. Биир киэһэ саха сэниэтик олорор баай ыала чугастааҕы ыалларын ыҥыртаан Олоҥхо дьоро киэһэтин тэрийэллэр. Дьоро киэһэҕэ Лэгэнтэй олоҥхоһут мааны ыалдьыт буолар.
Сахалыы ас эгэлгэтэ остуол хотойорунан тардыллар. Саха дьоно үөрэ-көтө ыҥырыыны ылынан, күнүскү күүстээх үлэлэрин эрдэ үмүрүтэн, мааны таҥастарын таҥнан, олоҥхо истэ кэлэллэр, дьиэлээхтэр үөрэ-көтө көрсөллөр. Дьон бары мустубуттарын кэннэ, дьиэ эргиннээҕи сонуннарын кэпсэтэн баран, Лэгэнтэй көрдөһүннэрэ барбакка, тигинэччи оттуллубут көмүлүөк оһох иннигэр олорон, дьоһуннаахтык туттан-хаптан, олоҥхолоон киирэн барар. Олоҥхоһут кудуххайдык этэн-тыынан истэҕин аайы, истээччилэр умсугуйан, олоҥхоһут хас биирдии тылын сэҥээрэн, таттаран, хас биирдии көстүүнү харахтарыгар көрөн олорор курдук, олоҥхоһут талааныгар сүгүрүйэн истэллэрэ көстөр.

Киинэҕэ толору ситэн турар кыыс кэрэ айылҕа, мааны саха ыалын эйгэтэ - дьиэтэ-уота, дьоно-сэргэтэ, сахалыы мааны таҥас-сап, ас-үөл барыта баар. Хас биирдии көстүүнү оруоллары аттаран бэрткэ дьүһүйэн көрдөрдүлэр.
Сахалыы сиэринэн дьиэлээхтэр астынаннар, олоҥхоһуту бэлэхтээн-туһахтаан атаараллара көстөр.
Норуот бырайыагын - киинэни сэргээн көрүҥ, санааҕытын үллэстиҥ. Сүүрэн-көтөн оҥорбут, тэрийбит күндү дьоммутугар Саргылана Семеновнаҕа, Иннокентий Иннокентьевичка, Екатерина Петровнаҕа барҕа махтал буоллун!

Вернуться назад  

Иван Шакуров

И.Ю. Пестряков

Афиша

"Туйаарыма Куо" (Китай) в исполнении Пекинского театра опера Куньцю
«Светлоликая Туярыма Куо» пьеса П.А. Ойунского созданная по сюжету олонхо «Нюргун Боотур Стремительный». История...

Поиск