АСТЫНА СЫРЫТТЫМ

IMG 20180330 WA0088 e1bfdДьэ, доҕоттоор!
Бэҕэһээ Тверской бульварга турар Пушкин аатынан театрга кийиитим кылааһынньыссата,
Олоҥхо театрын салайсар үлэһитэ Мария Турантаева эрдэ биллэрэн, билиэт олох хамаҕатык барар, тиксиэххит суоҕа диэн сэрэтэн, кийииттээх уолум ыҥырыыларынан, "Дьырыбына Дьырылыатта" Олоҥхо спектальга астына сырыттым.

Бээ,өссө поликлиникаттан ыксаан, метронан буккулла, буккулла айаннаамын син хата кэмигэр тиийдим.

Тиийээтин, театр таһыттан ордук билиэт ыйытааччы нуучча сирэйдээх дьон баарыттан соһуйа оҕустум

Иһирдьэ киирбиппит доҕоор, киһи лыык курдук
Арай, бэйэбэр майгылатар сирэйдээх аҕыйаҕын сөхтүм.
Дьэ,хата билэр дьоммун бөҕөнү көрсүөм дии санаабытым, шиш...,мэлигир.

Саала толору буолла, саҕаланна...
Олорор сиргэ барытыгар нууччалыы тылбаас сытар этэ.
Олох атын омук саҥалаахтар эмиэ баһаам бааллара.

Матрена Корнилова туруорбут, олох бэртээхэй!
Зоя Попова инсценировкатын суруйбут, олус өйдөнөр.
Екатерина Шапошникова художник сценография да, көстүүм да. Оһуобай!

Биир сыанаҕа туох да быыһы саппакка эрэ, аллараа,үөһээ,орто дойду барыта уларыйа сылдьан көһүннэ.
Сөхпүтүм диэн, сыанаҕа турар, ыйаммыт тэриллэр, ханнык дойду көстөрүттэн тутулуктанан, араас оруолу толордулар! Сыанаҕа буолар быһыыны толору көрдөрөр булугас өй туоһута.

Сөхпүтүм,астыммытым диэн, олох бары эдэр артыыстар
Кийиит Машам эмиэ биир кылааһынньыссата Лена Маркова эбит, олоҥхоһут эбээни бэрткэ оонньоото.
Мин урукку өттүгэр кинини наар мэник, тэник оҕо оруолун эмиэ кыайа тутан оонньуурун көрбүтүм.

Эдэрдэр бэрткэ кыайа тутан оруолларын уобараһыгар киирдилэр.
Аныгы дьон, сирэй харах, быһыы таһаа да мааны дьоно буоллахтара, ол барыта уопсай көстүүнү эмиэ тупсарар.
Таҥас сап өттө эмиэ олох аныгылыы бэртээхэйдик толкуйдаммыт.
Арай, били урукку биһи дьоммут кылыһахтаах тойуктарыгар куоластара арыый тиийбэт дии санаатым.
Чэ, ол дьарыгынан ситиһиллэр ини.

Аллараа дойду
кубулҕаттаах абааһытын кыыһын көрө олороммун, олох иэним кэдэҥнии, көхсүм төбөм оройуттан олох атаҕым тарбахтарыгар диэри дьырылыы түстэҕэ үһү.

Дьэ, бүтээтин саала дьоно ытыс хабылларынан таһыныы буолла
Мин олох киэн тутта долгуйдум!
Наһаа уһуннук таһынан, артыыстарбыт барахсаттар үөрэн чаҕылыҥнаспыт харахтара олох астык этэ (биһи чугас, 6 эрээккэ олорбуппут)

Сүүстэ бокулуон уурдулар, көрөөччү тарҕаһыан баҕарбат.

Матрена Корнилова(ийэтин өйдүүр буолуохтааххыт, Аксиния Адамованы) ол иһин тахсан өссө нууччалыы хоһоон аахта, өссө ытыс күүскэ тыаһаата.

Уопсайынан, барытын көрөн бараммын санаатым ээ:

Бу сирдээҕи олохпутугар бүгүн да
Олоххо Таптал Күүһэ хайа да бэйэлээх омукка син биир Биир Өйдөбүллээх.

Онон даҕаны, хайа да тылынан артыыс саҥарарыттан тутулуга суох өйдөнөр.

Орто дойду олоҕор:
Үтүө Күүс, Сырдык Таптал, Итэҕэл, барытын кыайар уонна Салайар диэни көрдүбүт!!!

Махтал уонна Таптал буолуохтун, баара суоҕа 10 саастах Олоҥхом театрыгар!

Өссө да араас омук дьонун талаан күүстээх абылаҥын нөҥүөлээҥҥит Биир Санааҕа, Биир турукка киирэргэ ыҥыра, угуйа сылдьын!

Бука бары биир Сир Дьоно буоларбыт туоһутун, сыана олоҕунан көрдөрүн!

Өбүгэ саҕаттан өспөккө, сүппэккэ тыл номоҕо буолан кэлбит ОЛоҕу ОҤорон ХОһуйуу күүһүн үйэлэргэ илдьэ сылдьыҥ!!!
Махтал!

Автор Зоя Тумусова

Вернуться назад  

Иван Шакуров

И.Ю. Пестряков

Афиша

ЗОЛОТОЙ МАСКАҔА ТҮӨРТ НОМИНАЦИЯҔА КИИРБИТ ДЬЫРЫБЫНА ДЬЫРЫЛЫАТТА
Күндү Дьокуускай куорат олохтоохторо уонна ыалдьыттараОЛОҤХО ТЕАТРА КУЛУН ТУТАР 16 КҮНҮГЭР 1830чЗОЛОТОЙ МАСКАҔА ТҮӨРТ НОМИНАЦИЯҔА...
"Саха дьахталларын мэтириэттэрэ" Бүлүү улуустарыгар айанныыр
Көрөөччү сэҥээриитин ылбыт номнуо уос номоҕо буолан кэпсэнэ сылдьарОлоҥхо театрын саҥа испэктээкилэ"Саха дьахталларын мэтириэттэрэ"Бүлүү улуустарыгар...

Поиск