Олоҥхо театрын «Эрэл» үнкүү народнай театра Нам улууһугар

erel surguulai dfe7bЫам ыйын 26 күнүгэр Олоҥхо театрын «Эрэл» үнкүү народнай театра М.К. Аммосов, төрөөбүт дойдутугар, Нам улууһун Харыйалаах нэһилиэгэр «Сур соно5ос аттаах Сургуулай Бөҕө» уонна «Удаҕаттар Уолумар Айгыр икки» диэн испэктээкил быһа тардыыларын үҥкүү хамсаныытынан дьүһүйэн көрдөрдө.
Спектакль тыыннаах доҕуһуолунан, ырыаннан – тойугунан киэргэтилиннэ.

 

Самаан сайын салаллан саргыбыт салалынна, уйгубут улаатта

Бу ый ыам ыйыгар 22 күнүгэр Олоҥхо театрын Саха үҥкүүтүн айар лабораторията, «Эрэл» үҥкүү народнай театра, Ырыа бөлөх уонна сахалыы чэй иһии сиэрин–туомун тарҕатааччы Туяра Григорьеваны кытта «Самаан сайыны көрсө» - диэн ааттаах ырыа кэнсиэрин имбэлииттэр уонна кыамматтар интернаттарыгар баран, бастакы ырыа кэнсиэрин көрдөрдө.
Ол курдук, быйылгыттан бөлөх саҥа састаабынан тэриллэн үлэтин салҕыы сылдьар салайааччы Андреева А.А. Коллектив урукку уонна саҥа ырыалары холбоон барыта уонтан тахса ырыаны ыллаата.
Бөлөх биир уратыта диэн үҥкүү хамсаныыларыгар тыыннаах ырыаннан уонна тыыннаах тэтим, доҕуһуолунан киэргэтиитэ буолар. Коллектив састаабыгар араас идэҕэ үөрэнэр студент оҕолор дьарыктаналлар.

 

Самаан сайын кэлбитинэн

nukuolun 6 00e51Саха саҥа дьылыгар тэҥнээх күҥҥэ сиргэ-уокка Иэйиэхсит чугаһаан, кини сылаас тыына сиргэ түһэр, ууга-окко, салгыҥҥа иҥэр, өҥү-быйаҥы түстүүр. Иэйиэхсит күүһүнэн самаан сайынтан уйгуланан саха киһитин олоҕо сайынынан салҕанар.
Олоҥхо театрын артыыстара, үлэһиттэрэ ыам ыйын 22 күнүгэр ыалдьытымсах Атласовтар тэлгэһэлэригэр сайыны көрсө, Ньукуолуну бэлиэтии тахса сырыттыбыт.
Үгэс быһыытынан, сири-уоту аһаттыбыт, буруо унаарыттыбыт, сиэри-туому оҥордубут, алгыс иҥэриннибит.
Олоҥхо театрын профсоюһа XIII төгүлүн ыытыллар культура үлэһиттэрин сойуустарын Спартакиадатын түмүгүнэн бочуотунай грамоталары, махтал суруктары туттартаата. Минньигэс өлгөм астаах сандалы остуолу тардан, көрдөөх оонньуулары тэрийэн, ылбаҕай ырыанан түһүлгэни киэргэтэн, Олоҥхо театрын дьоно-сэргэтэ бэрт сэргэхтик сынньанан кэллибит.
Бары да санаалыын сайҕанан, көхсүлүүн кэҥээн, ыраастанан, саха дьонун быһыытынан, үрүҥ тунах сайыҥҥа үктэннибит!

 Хаартыскалары фотогалереяҕа көрүҥ.

 

XIII төгүлүн ыытыллар культура үлэһиттэрин сойуустарын Спартакиадата

spartakiada 100ceЫам ыйын 18 күнүгэр XIII төгүлүн ыытыллар культура үлэһиттэрин сойуустарын Спартакиадата түмүктэннэ. Олоҥхо театра 10 хамаанданы кытары күрэс былдьаһан, иккис бочуоттаах миэстэни ылла. Уонна 40 тыһыынча сууммалаах сертификатынан наҕараадаланна.
Үлэһиттэр 7 көрүҥҥэ күрэхтэстилэр: волейболга, шашкаҕа, шахмакка, харбааһыҥҥа, остуол тенниһигэр, хабылыкка, сүүрүүгэ. Спартакиада тэрээһинэ, хаамыыта сүрдээх көхтөөх, иллээх эйгэҕэ үрдүк таһымҥа ааста.
Күрэхтэһии түмүгүнэн Олоҥхо Театра:
Волейболга - 3 миэстэ, шашкаҕа – 10 миэстэ, шахмакка – 2 миэстэ, харбааһыҥҥа – 2 миэстэ, остуол тенниһэ – 2 миэстэ, хабылыкка – 5 миэстэ, сүүрүүгэ – 2 миэстэ буолла.

 

Олоҥхо театра Сааскы Ньукуолуну бэлиэтии, сайыны көрсө айылҕаҕа ыҥырар

nikolin-den fa0c5

Айыл5абыт силигилии уһугунна,
халдьаайыга ньургуһуммут тылынна,
мутукча сытынан дыргыйда...

Ыам ыйын 22 күнүгэр

Олоҥхо театра Сааскы Ньукуолуну бэлиэтии, сайыны көрсө айылҕаҕа ыҥырар
Үгэс быһыытынан, сири аһатыы, буруону унаарытыы, сиэри-туому тутуһуу

Мустуу: 9 чаастан Саха театрыгар
Буолар сирэ: «Ытык Хайа» Атласовтар этническэй развлекательнэй комплекстара

Подробнее...
 


Страница 152 из 157

Коллектив театра

Линия жизни

Иван Шакуров

И.Ю. Пестряков

Афиша

Олоҥхо театра “Күн Эрили” диэн оҕолорго аналлаах куукуланан испэктээкилгэ ыҥырар
"Күн Эрили"Олунньу 19 20 күннэригэр 1100 1500 чаастан А.Е. Кулаковскай аатынан Норуоттар доҕордоһууларын Дьиэтигэр Олоҥхо...
Театр Олонхо приглашает на детский кукольный спектакль «Кюн Эрили»
Театр Олонхо 19 и 20 февраля 2021 г. в 1100 1500 ч. приглашает в Дом...

Поиск