Тохтообот тойуктаах үйэлээх күөрэгэй...

Саха күөрэгэйэ Екатерина Захарова төрөөбүтэ 100 сыла

Саха былыргы ырыатын-тойугун чөлүгэр түһэриигэ уонна үйэтитиигэ уһулуччу кылааттаах ырыаһыт, Саха драматическай-национальнай хуорун талааннаах куолаһа Екатерина Захарова дьоҥҥо-норуокка “саха күөрэгэйэ” диэн аатынан биллэр.
Композитор Марк Жирков “Истэринэн ураты чуор, муусуканы тута ылынар ырыаһыты кытта уонунан саха ырыатын уһулбуппут. Итилэртэн кынаттанан, саха норуотун муусукаҕа ускуустубатыгар тирэх буолбут саха хуорун репертуара таҥыллыбыта” диэн суруйбута.

Тыйаатырга былыргы ыскаап турара. Күлүүһэ кимиэхэ баарын ким да билбэтэ. Көстүүм сыаҕын сэбиэдиссэйэ ыскаапка кими да чугаһаппата. Тыйаатыр кырдьаҕас үлэһиттэрэ бэйэлэрин икки ардыларыгар “итиннэ эдэригэр сэлликтэн өлбүт биллэр ырыаһыт Екатерина Захарова таҥастара хараллан сыталлар” диэн сибигинэһэн кэпсэтэллэрэ. Хараҥа лааҕынан бүрүллүбүт былыргы улахан ыскаап эдэр артыыстар болҕомтолорун өрүү тардара. Ыскаап эҥээригэр ыйаммыт ньолбуһах сиэркилэҕэ эдэркээн ырыаһыт кыыс мөссүөнэ көстөр курдуга...

Подробнее...
 
 

Сунтаарга Кыыл Уолун аатынан култуура киинэ арылынна

Сунтаар нэһилиэгэр бүгүн, балаҕан ыйын 22 күнүгэр норуот ырыаһыта, оһуохайдьыта Сергей Зверев — Кыыл Уолун аатынан норуот айымньтыны киинин арыйдылар.

Тутуу уопсай иэнэ 1,6 тыһыынча квадратнай миэтэрэ, 350 көрөөччүнү батарар саала, сыана, норуот айымньытынан дьарыктанар хостор бааллар. Киин аныгылыы тиэхиньикэнэн, миэбэлинэн хааччыллыылаах. Бэйэтэ ураһа быһыылаах.

Киини норуот ырыаһыта, оһуохайдьыт, олоҥхоһут Кыыл Уола төрөбүтэ 120 сылыгар анаан туттулар. «Сунтаар улууһа саха култууратын, үгэһин илдьэ сылдьар, тарҕатар оройуоннартан биирдэстэрэ буолар. Маннык киин арыллыбыта өссө төгүл ону кэрэһилиир», — диэтэ Ил Дархан Айсен Николаев.

Ил Дархан киини туттарбыт дьокутаат Матвей Евсеевка, тутааччыларга, кыттыспыт, көҕүлээбит бары дьоҥҥо махтанна.

Источник: http://nvk-online.ru

 

Сунтаарга Сергей Зверев-Кыыл Уолун аатынан норуот айымньытын киинэ арылынна

Үөрүүлээх бэлиэ тэрээһиҥҥэ мустубут дьон-сэргэ иннигэр ХЭУо “Арктик-Капитал” тэрилтэ генеральнай дириэктэрэ Матвей Евсеев норуот айымньытын киинин дириэктэригэр Алексей Седалищевка уораҕай күлүүһүн туттарда. Улахан суолталаах тэрээһиҥҥэ үөрүүнү үллэстэ СӨ Ил Дархана Айсен Николаев, Сунтаар улууһун Аҕа баһылыга Анатолий Григорьев, СӨ Ил Түмэн Бэрэссэдээтэлин бастакы солбуйааччыта Александр Жирков, ХЭУо “Арктик-Капитал” тэрилтэ генеральнай дириэктэрэ Матвей Евсеев, Ил Түмэҥҥэ дьокутаат Андрей Николаев уонна улууспут дьоно-сэргэтэ кыттыыны ыллылар.

Подробнее...
 

Эҕэрдэлиибит!

1543489485 1 3fcd2

Алтынньы ыйга төрөөбүт күннээхтэри эҕэрдэлиибит!

Дьяконова Зоя Ивановна алтынньы 3 күнэ
Винокурова Саргылана Герасимовна алтынньы 5 күнэ
Сысолятина Зоя Григорьевна алтынньы 8 күнэ
Федоров Аял Егорович алтынньы 9 күнэ
Тастыгина Мария Егоровна алтынньы 12 күнэ
Олесов Серафим Серафимович алтынньы 21 күнэ
Бордонская Евгения Егоровна алтынньы 26 күнэ
Иванов Леонид Моисеевич алтынньы 31 күнэ
Степанов Андрей Андреевич алтынньы 31 күнэ
Егорова Ольга Дмитриевна алтынньы 31 күнэ

Олоҥхо тыйаатыра

 

Таатта улууһугар туос Моҕол ураһаны үлэҕэ киллэрдилэр

Бүгүн, балаҕан ыйын 26 күнүгэр Таатта улууһун Баайаҕа нэһилиэгэр туостан тигиллибит Моҕол ураһа үөрүүлээх арыллыыта ааста.

«Биллиилээх норуот маастара, Саха сирин култууратын үтүөлээх үлэһитэ Борис Неустроев–Мандар Уус олоҕун бүтүннүүтүн саха төрүт үгэһин чөлүгэр түһэриигэ анаата. Өрөспүүбүлүкэ 20 улууһун маастардара былыргы сахалыы ньыманан духуобунай култуура эбийиэгин туттулар. Туһаныллыбыт туос барыта Саха сиригэр хомулунна. Мандар Уус курдук маастардар баар буоланнар, саха култуурунай нэһилиэстибэтин бүгүҥҥү күҥҥэ диэри харыстаан илдьэ кэллибит», – диэн Ил Дархан Айсен Николаев эттэ.

Саҥа эбийиэк Томтор сэлиэнньэтигэр Борис Неустроев – Мандар Уус 75 сааһын туолар үбүлүөйүгэр ананар тэрээһиинэр чэрчилэринэн тутулунна. Моҕол ураһа киирэр этнокултуурнай комплекса сэлиэнньэ социальнай-экономическэй уонна култуурнай-духуобунай сайдыытын былааныгар олоҕуран тэрилиннэ. Инникитин манна «Уус түмэлэ» Саха сирин тимир уустарын түмэлэ уонна балаҕан оҥоһуллуохтаах.

Подробнее...
 

Кэриэстэбил

Сафонов Николай Иванович - Дьырылы

safonov d1bd1Бүтүн саха норуота ыар сүтүктэннэ... Аан дойдутааҕы ЮНЕСКО сүдү айымньытынан биллэриллибит Улуу Олоҥхобутун тарҕатыыга, харыстааһыҥҥа сүҥкэн кылаатын киллэрбит, олоҥхоһуппут, Николай Иванович Сафонов б. дь. балаҕан ыйын 15 күнүгэр ыарахан ыарыыттан орто дойдуттан туораата.
Көҥүл тустууга ССРС спордун маастара, Саха Өрөспүүбүлүкэтин үтүөлээх тренерэ, Саха Өрөспүүбүлүкэтин бочуоттаах ытык кырдьаҕаһа, өрөспүүбүлүкэ үөрэҕириитин бочуоттаах бэтэрээнэ, Саха сирин Аан Дархан этээччитэ (2017 с.), Юнеско стипендиата П.Е.Решетников аатынан анал бириис хаһаайына, Сунтаар улууһун, Дьаархан нэһилиэгин Ытык киһилэрэ Николай Иванович Сафонов-Дьырылы 1931 сыл алтынньы 14 күнүгэр Сунтаар оройуонугар Дьаархан нэһилиэгэр төрөөбүтэ. 1954 с. Дьокуускайдааҕы пединститут физикаҕа, математикаҕа факультетын, 1966 сыл Москватааҕы Киин физкультура спорт институтун бүтэрбитэ. Сунтаар улууһугар математика, физкультура учууталынан, 1970 сылтан Дьокуускайга көҥүл тустуу тренеринэн сүүрбэччэ сыл устата үлэлээбитэ.

Подробнее...
 


Страница 2 из 262

Иван Шакуров

И.Ю. Пестряков

Афиша

“Өрүс бэлэхтэрэ” испэктээк премьератыгар ыҥырабыт!
Дьокуускай куорат олохтоохторо уонна ыалдьыттара!Өксөкүлээх Өлөксөй үйэлээх үтүө аатын өрө тутан кини аатын сүгэр Норуоттар...
Өксөкүлээх Өлөксөй “Ойуун түүлэ” поэматынан испэктээгэр бар дьоммутун ыҥырабыт!
Саха классик суруйааччыта Алексей Елисеевич Кулаковскай айар үлэтин 120 сылынан Олоҥхо тыйаатыра төрүттэмитэ 12 сыла...

Поиск

Карта посетителей