Күөрэгэй - Александра Гаврильевна Аргунова 80 сааһа

c6789ac0 b3b23Исландияҕа олорор биир дойдулаахпыт артыыс, уруһуйдьут Александра Гаврильевна Аргунова-Күөрэгэй быйыл 80 сааһын туоларынан режиссёр уола кини туһунан документальнай киинэ устарынан кэлбиттэр. Оператордаах, 2 исландка арыалдьыттаах.
Сахалыы кэпсээтэ. Исландияҕа 52 сыл олордум.
Ыараханнык олордум. Үөрүүлээхтик олордум. Ахтылҕаммын таһааран күн аайы сахалыы саҥарабын, ыллыыбын диир.
Ыытааччы Виталий Власов киниэхэ тиийэ сылдьыбыппар акула этин буһаран сиэппитэ, амтана ынах этигэр майгынныыр, иккиэн Хоптолор диэн ырыаны дуэтынан ыллаабыппыт диэн ахтан аһарда. Күөрэгэй дойдубун аҕыннахпына бу ырыаны ыллаан кэллим диир.

Ырыа Саарын Былатыан Ойуунускай Сүөкүччэтигэр анаабыт уонна Үчүгэйиэн алааспар диэн ырыаларын олус астына иһиттэ, долгуйда.
Сахабыт тылын харыстааҥ, дойдугутунан киэн туттуҥ, харыстааҥ диэн кэс тылын эттэ.
Исландияҕа армия диэн суох, ол гынан баран НАТО-ҕа киирэр, кытаанах омук диэн кэпсээтэ.

Подробнее...
 

Сайыҥҥы Сиинэҕэ

dfgdsfg b7f9bБылырыын Бүтүн Арассыыйатааҕы айылҕа харыстабылын уопсастыбатын Саха сиринээҕи уопсастыбаннай тэрилтэтин сэбиэтин бэрэссэдээтэлэ Федора Иннокентьевна Афанасьеваны кытта Москваҕа билсэн турабыт. Кини онно тэрилтэтин аатыттан мунньахха кытта кэлбит этэ. Ханнык баҕарар киһи иитийэхтээбит идеятынан умайа сылдьар буоллаҕына кэпсэлэ ол эрэ буоларыныы, Федора Иннокентьевна эмиэ ылсыспыт үлэтин-хамнаһын туһунан ирэ-хоро кэпсээбитэ. Кини СӨ ГБУ “Сиинэ” айылҕа пааркатын базатыгар ыччат экологическай туризмын оскуолатын сайыннарыы туһунан бырайыага Арассыыйа Бэрэсидьиэнин гранын ылбыт буолан, былаана толору.
20 сыллааҕыта Аркадий Алексеев айар бөлөҕүн кытта Сиинэнэн устубуппун истиҥник саныыр буолан, ол ытык сири иккиһин көрүөхпүн баҕаран, “түгэн көһүннэҕинэ, миигин илдьэ бараар” диэбитим. От ыйыгар Федора Иннокентьевна “Сиинэҕэ баран эрэбит, барыс” диэн эрийбитэ. Сиинэ кырылас кумахтаах кыртастарын, чуҥкунуур чуумпуну иһиллиир дьикти айылҕатын, харгылардаах, сэргэх сүүрүктээх, күлүмүрдэс уулаах үрэҕи көрөр баҕа баһаам буолан, саха народнай поэта Семен Данилов “Оо, ол тыаҕа, Улуу тыаҕа, Ол чуумпуга, айылҕаҕа Тиийбит киһи баар ини! Киирбит киһи баар ини!” диэбитинии этиҥнээх ардаҕы, тыалы-кууһу, силбиги аахсыбакка, үтүөкэн дойдуга сүрэхтиин талаһан, айаҥҥа туруммутум.

Подробнее...
 

Виталий Власов - Көлүөнэлэр ситимнэрэ (2018)

Си сылдьыахтааҕар тэттик санаалар.

Көлүөнэлэр ситимнэрэ:

1. Аныгы көлүөнэ
2. Орто көлүөнэ
3. Кырдьаҕас көлүөнэ

Владивосток
18.07.2018 (Кыстаанык күнэ эбит)

 

Көмүстээх Алдан Олоҥхо ыһыаҕар бэлэмнэнэр

1 800x540 be1c3Өрөспүүбүлүкэтээҕи Олоҥхо XII ыһыаҕа быйыл көмүстээх Алдан маанылаах сиригэр-уотугар ыытыллыаҕа. Бэлэмнэнии ааспыт сылтан күүскэ барар. Ыһыах бырагырааматын, тэрээһин аһыллыытын, Аал Луук маһа атыттартан туох уратылааҕын, көстүүлээҕин билэргэ сананныбыт.

Тоҕо Алдаҥҥа?

Бука, хас биирдии ааҕааччы Олоҥхо ыһыаҕа туох сыалтан саха аҕыйах ахсааннаах улууһугар Алдаҥҥа тэриллэрий диэн интэриэһиргиир буолуохтаах. Ити ыйытыы тус бэйэбин даҕаны аалара. Онон СӨ култууратын уонна духуобунай сайдыытын миниистирин солбуйааччы Николай Макаровтан туоһуластым. Миниистири солбуйааччы быһаарбытынан, бастатан туран, дьаһал тахсыбыта ырааппыт, тэрээһин уочарат быһыытынан барар эбит. Ыһыах ыһыллыахтаах улууһугар бэлэмнэнии үс сыл инниттэн саҕаланар, министиэристибэ анаан-минээн тиийэн эспэдииссийэ тэрийэр, үбүлээһин боппуруоһугар үлэлэһэллэр, маастар-кылаастары, сэминээрдэри ыытар.

Подробнее...
 

Ыһыах, алгыс, оһуокай

Самаан сайын сатыылаата, күөххэ үктэннибит, үтүө кэмнэр саҕаланнылар. Былыргы биһиги төрүттэрбит бу кэми үөрэ-көтө көрсер, көрүлүүр-нарылыыр кэмнэрэ. Бэл, саамай былыр Я. Линденау суруйарынан, ыһыах ыйа диэн ааттыыллар эбит. Түөлбэлэринэн, аҕа уустарынан, кэлин бүтүн нэһилиэгинэн, улуустарынан ыһыахтары тэрийэн ыыталлара.
Өксөкүлээх Өлөксөй хомуйан таһааттарбыт өһүн хоһоонноругар “Учан булуута, Дьэргэстэй ыһыаҕа, Омоллоон олоҕо” диэн уос номоҕо баара мээнэҕэ буолбатах. Ыһыаҕы тэрийэн ыыппыт дьоннор ааттара кыбылла сылдьар быһыылаах. Омоллоон саха өбүгэ төрүтэ, Дьэргэстэй диэн ааттаах дьоннор баар буоллахтара.
Онтон сахалар төрүттэрин үөрэтэр кыраайы үөрэтээччи, доцент М.Н. Григорьев дойдутугар Учан диэн ааттаах булчут олоро сылдьыбытын ахтар. Онон бултаан-алтаан, сылгы-сүөһү тэринэн, кымыс оҥостон, астаах-үөллээх ыһыаҕы тэрийбиттэрэ сэрэйиллэр.
Оттон үһүйээннэргэ кэпсэнэринэн, сахаларга маҥнайгы ыһыаҕы тэрийбит, ыһыах тэриллэрин оҥорбут, сиэри-туому, ыһыах алгыһын толорбут киһинэн Эллэй эһэбит буолар. Кинини Г.В. Ксенофонтов мифологияҕа сыһыары тутан, культурнай герой курдук көрөр. Дьэ ол иһин оһуокай тылларыгар «Эллэй эһэбит саҕаттан этиллибит эһиэкэй, Омоҕой баайбыт саҕаттан олохтоммут оһуокай” диэн үгүстүк этэн аһарааччылар. Онон сахалар сайын кэлиитэ ыһыахтыыр үгэстэрэ бэрт былыргыттан олохсуйбуттара. Ол үгэстэрин сэбиэскэй былаас олохтонуор диэри тутуһан кэлбиттэрэ.

Подробнее...
 


Страница 6 из 250

Иван Шакуров

И.Ю. Пестряков

Афиша

"Туйаарыма Куо" (Китай) в исполнении Пекинского театра опера Куньцю
«Светлоликая Туярыма Куо» пьеса П.А. Ойунского созданная по сюжету олонхо «Нюргун Боотур Стремительный». История...
Дьырыбына Дьырылыатта
Олоҥхо театра Алтынньы ый 25 күнүгэр киэһэ 1830 чаастан П.П.Ядрихинскай Бэдьээлэ олоҥхотунан "Дьырыбына Дьырылыатта"...

Поиск

Карта посетителей