Матрена Корнилованы ахтан-санаан аастахха…

Былырыын олунньу 21 күнүгэр Cаха Өрөспүүбүлүкэтин үтүөлээх артыыската, Олоҥхо тыйаатырын режиссера Матрена Корнилова орто дойду олоҕуттан туораабыта. Бүгүн Матрена Корнилова баара буоллар, төрөөбүт күнүн бэлиэтиэхтээх этэ…
Саха норуотун тапталлаах артыыската Матрена Владимировна Саха тыйаатырын сценатыгар Илиир Хоруол кыыһа Гонерилья (“Илиир Хоруол”), Аркадина (“Чайка”), Калисфена Автономовна (“Кэт Марсден”) уо.д.а. курдук умнуллубат уобарастары арыйбыта.

Олоҥхо тыйаатырыгар П.Ядрихинскай-БэдьээлэДьырыбына Дьырылыатта” олоҥхотун туруорбута, бу олоҥхо 2018 сыллаахха “Кыһыл көмүс мааска” Национальнай бириэмийэҕэ түһэриллибитэ.
Матрена Корнилова 1962 сыллаахха кулун тутар 24 күнүгэр Дьокуускай куоракка артыыстар дьиэ кэргэттэригэр төрөөбүтэ. 1985 сыллаахха М.С.Щепкин аатынан үрдүкү театральнай устуудьуйаҕа үөрэнэн, дыраама тыйаатырын уонна киинэ артыыһын идэтин ылбыта. 1985 сылтан Былатыан Ойуунускай аатынан Саха тыйаатырыгар сүүрбэттэн тахса чаҕылхай оруоллары оонньообута. “Эйиэхэ мин ырыа бэлэхтиэм”, “Таптыырга буруй суох”, “Эргиллиэм хайаан да, ийээ” уо.д.а. испэктээк-кэнсиэртэри туруорбута. Режиссер быһыытынан Саха сирин норуодунай бэйиэтэ Иван Гоголев-Кындыл поэзиятынан поэтическай биэчэрдэри туруорбута.
2005 с. “СӨ үтүөлээх артыыската” үрдүк ааты ылбыта. 2010 сыллаахха СӨ Президенин Грамотатынан наҕараадаламмыта, 2004 с. Арассыыйа омуктар дьыалаларыгар министиэристибэтин, 2005 сыллаахха СӨ вице-президенин Махтал суруктарын ылбыта.

Подробнее...
 

Өксөкүлээх Өлөксөй - "Ойуун түүлэ" (15.03.2020)

15.03.2008-15.03.2020

Бүгүн Олоҥхо театрын 12 сааһа!

ЮНЕСКО сорудаҕынан Олоҥхо театрын тэрийэр туһунан СР бырабыыталыстыбатын уурааҕа тахсыбыта.

Олоҥхо театрын түстээччи - Андрей Борисов
Бастакы директор - Виталий Власов

Сыл -- хонук. 12 сыллаах биир эргиир кэм (эпоха) ааһа оҕуста.

Барыгытын бырааһынньыгынан!

Салгыы Өксөкүлээх Өлөксөй улуу айымньыта - "Ойуун түүлэ"
Толороллор Олоҥхо театрын эдэр өктүөрдэрэ

 

Премьера Театра Олонхо «СОН ШАМАНА»

У творцов-художников есть одна общая черта — их творения  всегда будоражат умы и волнуют души. Творчество художников-мыслителей заставляет нас думать  и осознавать время — отдельные фрагменты  прошлого, настоящего и будущего. Искать в произведениях  частички истины, которые структурируют нашу внешнюю жизнь и становятся очередным «кирпичиком» опоры внутреннего мира.

В современное время психологи говорят, что любой из нас является творцом своей жизни, в этом есть толика правды. Но в социуме, где мы все обитаем, где есть распределение ролей,  именно  служителям искусства по долгу профессии предназначено быть рулевыми общественного сознания.

7 февраля на сцене  Дома Дружбы народов им.А.Е.Кулаковского Театр Олонхо РС (Я) к 120-летию творческой деятельности А.Е.Кулаковского — Өксөкүлээх Өлөксөй представил зрителям премьеру «Сон шамана».  Режиссер-постановщик  спектакля:   заслуженный деятель искусств РФ, народный артист РФ, Лауреат госпремии им.А.Е.Кулаковского Андрей Саввич Борисов

Подробнее...
 

Дьоллоох Дьокуускай куорат олохтоохторугар уонна ыалдьыттарыгар! СОНУН! Бороҥ сирэйдээх саха ураанхайдар көрө-истэ сэргэҕэлээҥ! Ойуун түүлүгэр билиҥҥи кэм туһунан тугу тойоннообутай?

Улуу бөлөһүөкпүт Алексей Елисеевич Кулаковскай суруйан хаалларбыт «Ойуун түүлэ» дириҥ ис хоһоонноох поэматынан ускуустуба үтүөлээх деятелэ, Арассыыйа норуодунай артыыһа Андрей Борисов Олонхо театырыгар туруоруута олунньу 7 күнүгэр «Өксөкүлээх Өлөксөй» аатынан култуура дыбарыаһыгар премьерата киэһээ алта аҥаартан буоларыгар ыҥырабыт. Кэлэн көрөн-истэн, дуоһуйан, кэрэ-модун оонньууну биһирээн бараргытыгар баҕарабыт. Суруйааччыта, айымньыта, туруоруута – барыта сүдү! 

Режиссер ассистена Хабырыыс Мэнкээрэп, сценаристар Маайа Власьева уонна Миитэрэй Хойутаанап. Худуоһунньуктар Михаил Егоров уонна Сардаана Федотова. Тыыннаах доҕуһуол – Руслан Габышев, Иванида Алексеева, Вероника Лыткина уонна Прокопий Сыроватскай.

Подробнее...
 

“ЭРЭЛ” ҮҤКҮҮ НАРОДНАЙ ТЫЙААТЫРЫН ПРЕМЬЕРАТЫНАН ЭҔЭРДЭЛИИБИТ!!!!

buket iz roz 5aadd

ОЛОҤХО ТЫЙААТЫРЫН ИҺИНЭН ҮЛЭЛИИР
“ЭРЭЛ” ҮҤКҮҮ НАРОДНАЙ ТЫЙААТЫРЫН
ПРЕМЬЕРАТЫНАН ЭҔЭРДЭЛИИБИТ!!!

Биһиги Олоҥхобут тыйаатырын иһинэн үлэлиир айар лаборатория өссө биир дьоһун үлэни бар дьонугар бэлэхтээтэ. Ол курдук Олоҥхо тыйаатырын иһинэн үлэлиир “Эрэл” үҥкүү народнай тыйаатыра (салайааччы Екатерина Евгеньевна Павлова) уонна Былатыан Ойуунускай аатынан Саха академическай тыйаатыра (сүрүн режиссер Руслан Игоревич Тараховскай) уонна талааннаах художник Екатерина Ефимовна Шапошникова биир өйүнэн-санаанан салайтаран, айымньылаахтык үлэлээн, айар тыл аҕата Өксөкүлээх Өлөксөй “Өрүс бэлэхтэрэ” поэматыгар этиллэр норуоту араҥаччылааччы айыы тыыннаах сүдү күүһү уонна киһи-аймахха кырыктаах, аһыныгаһа суох күүһү тойугунан, төрүт дорҕоон доҕуһуолунан, үҥкүүнэн, эриэккэс көстүүмнэринэн уонна элекитрогитара көмөтүнэн киһини толкуйдатар дириҥ ис хоһоонноох испэктээги туруордулар.
Урукку өттүгэр Руслан Игоревич, Екатерина Ефимовна уонна Екатерина Евгеньевна Олоҥхо ыһыаҕар, Манчаары оонньууларыгар бэйэ-бэйэлэрин ситэрсэн-толорсон үлэлээбит буоланнар, бу саҥа бырайыак кылгас кэм иһигэр олоххо киирбитин бэлиэтиир тоҕоостоох.
Айар лаборатория биир уратытынан тыйаатыр артыыһа бэйэтин атын өттүнэн дьоҕурун арыйарыгар уонна сайыннарарыгар кыах биэрэрин таһынан, норуот ортотуттан талааннаах ыччаттары бэлиэтии көрөн, кыттыһыннарар, дьон-сэргэ билиитигэр таһаарар соруктаах. Ол курдук норуот ырыаһыта Анастасия Кардашевская үөрэнээччитэ, уруһуйдьут, сахалыы куттаах Мария Хамарова Москва куораттан кэлэн кыттыбыта үөрүүлээх.
Олоҥхо тыйаатыра сценаҕа эрэ оонньуур миссиялаах буолбатах. Кини төһө да биир төгүрүк мөһүлгэтин эрэ туолбутун иһин норуотун ийэ тылын, итэҕэлин харааннаан илдьэ сылдьар, бар дьонун төрүт тыл күүһүнэн сомоҕолуур соруктаах, өбүгэтин духуобунай култууратын аан дойду омуктарыгар олоҥхо тылынан-өһүнэн тиэрдэр, билиһиннэрэр ытык аналлаах.
Түмүккэ, улуу Өксөкүлээх Өлөксөй “Өрүс бэлэхтэрэ” поэматын сонуннук бар дьонугар көрдөрбүт айар бөлөххө

Эдэр көлүөнэ
Эрэл эҥээр буолуохтун,
Аҕам саастаах
Аар баҕана буолуохтун,
Өйдөөх дьон өйөөтүн,
Күүстээх өттө күрүөлээтин!
– диэн алгыспыт бастыҥын аныыбыт.

Олоҥхо тыйаатырын бар дьоно
Дьокуускай к., кулун тутар 16 күнэ, 2020 с.

 

Эҕэрдэлиибит!

unnamed 1ff39

Дьөһөгөй ыйыгар төрөөбүт күннээхтэри эҕэрдэлиибит!

Саввинов Валерий Эдуардович - кулун тутар 4 күнэ
Санникова Юлия Тимофеевна - кулун тутар 5 күнэ
Иванов Петр Владимирович - кулун тутар 19 күнэ
Слепцова Наталья Владимировна - кулун тутар 22 күнэ
Лукинова Надежда Игнатьевна - кулун тутар 25 күнэ
Дьячковская Люция Васильевна - кулун тутар 25 күнэ
Баснаев Петр Николаевич - кулун тутар 27 күнэ

Олоҥхо театра

 

“Өрүс бэлэхтэрэ” испэктээк премьератыгар ыҥырабыт!

e304ac87 b6bf9Дьокуускай куорат олохтоохторо уонна ыалдьыттара!
Өксөкүлээх Өлөксөй үйэлээх үтүө аатын өрө тутан, кини аатын сүгэр Норуоттар доҕордоһууларын Дьиэтигэр (гостинай саала)
Кулун тутар 16 күнүгэр, 18 ч.30м. “Өрүс бэлэхтэрэ” испэктээк премьератыгар ыҥырабыт!

Оонньуур дьоно:

Үс үөстээх Өлүөнэ өрүс - Лена МАРКОВА, Ирина МИХАЙЛОВА, Мария ТУМУСОВА
Хотугу Муустаах муора - СӨ үтүөлээх артыыһа Ирина НИКИФОРОВА
Арҕаа дойдулар салгыннара - СӨ үтүөлээх артыыһа ЫРЫА СААРЫН
Өлүөнэ өрүс салаалара, айыҥат хаан аймаҕа - «ЭРЭЛ» Үҥкүү народнай
театра.

Туруорааччы режиссер
СӨ ускуустубатын үтүөлээх диэйэтэлэ - Руслан ТАРАХОВСКАЙ
Төрүт дорҕоон доҕуһуола - СӨ култууратын туйгуннара Вероника
ЛЫТКИНА, Иванида АЛЕКСЕЕВА, Прокопий СЫРОВАТСКАЙ
Электрогитара - Семен Талыбыев
Сценография - СӨ култууратын туйгуна Екатерина ШАПОШНИКОВА
Көстүүм худуоһунньуктара - Екатерина ШАПОШНИКОВА, Уруйдаана
ХАРИТОНОВА
Хореограф - СӨ култууратын туйгуна Екатерина ПАВЛОВА
Тыас-уус оператора - Владислав АБРАМОВ
Уот-күөс оператора - Сахаян ПЕТРОВ

Биэнсийэлээхтэр, II, III группалаах инбэлииттэр, устудьуоннар, оскуола
үөрэнээччилэрэ, элбэх оҕолоох дьиэ кэргэн туоһулуур докумуоҥҥутун
кассаҕа көрдөрөн, 50% чэпчэтиилээх билиэти атыылаһыаххытын сөп.
Билсиһэр төлөпүөннэргит: 34-03-19, 8964-422-60-22
Билиэти tesserus.com интернет-касса нөҥүө атыылаһыаххытын сөп.

 


Страница 5 из 260

Иван Шакуров

И.Ю. Пестряков

Афиша

“Өрүс бэлэхтэрэ” испэктээк премьератыгар ыҥырабыт!
Дьокуускай куорат олохтоохторо уонна ыалдьыттара!Өксөкүлээх Өлөксөй үйэлээх үтүө аатын өрө тутан кини аатын сүгэр Норуоттар...
Өксөкүлээх Өлөксөй “Ойуун түүлэ” поэматынан испэктээгэр бар дьоммутун ыҥырабыт!
Саха классик суруйааччыта Алексей Елисеевич Кулаковскай айар үлэтин 120 сылынан Олоҥхо тыйаатыра төрүттэмитэ 12 сыла...

Поиск

Карта посетителей