ДЬҮРҮЛГЭН АБЫЛАҤА

 20180914 1040257252 32e58Балаҕан ыйын 12 күнүгэр киэһэ 5 ч. саҕалаан "Дорҕоон дойду" чөкө уораҕайыгар Битээлий Былааһап улуу Ойуунускай төрөөбүтэ 125 с. анаан, кини айымьыларыгар муусуканан доҕуһуоллаан кэнсиэр туруорбутугар сылдьан, дириҥ иэйиигэ ылларан, санаам көтөҕүллэн, күүспэр күүс эбиллэн куоратым устун хардыылаатым.

Битээлий Былааһап айар кутун "Кыл кылыһах" ансаамбыл ситэрэн-хоторон, төлөннүрэ уматан, сиэринэн сириэдитэн биэрбиттэрин көрөөччүлэр сэргии иһиттилэр. Мустубут дьон истэригэр эдэр бэйээт Хабырыыс Ондуруоһап, Саха национальнай оркестрын салайааччыта Ньукулай Бөтүрүөп бааллар эбит.

Истээччилэр-көрөөччүлэр бары да Былатыан Ойуунускай айымньыларын кыраларыттан умсугуйа аахпыт, сүгэ-балта тылларын эттэригэр-хааннарыгар, өйдөрүгэр-санааларыгар иҥэриммит дьон буолан, муусука абылаҥар бастакы дорҕоонтон ыла саба куустардылар. Битээлий хара маҥнайгыттан улуу Ойуунускай убайыгар, кини айар талааныгар сүгүрүйэрин биллэрэн муҥурун биллэрбэтэх киэҥ уонна дириҥ далайыгар оҕо сылдьан умсаахтаабытын, тылын-ууһун утаппыттыы испитин истиҥник билиһиннэрбитин бары да сэргии иһиттибит.

Подробнее...
 

Кэхтибэт кэрэкэ тыллар, туойар дорҕооннуун алтыһан

 20180916 1464437802 70c5cХаллаан хас да күн сабардаан турбут хараҥа былыттарын халбарытан, аламай маҥан күнүн сайыҥҥылыы сандаарыччы күлүмнэтэ көрдөрөн, бэл айылҕалыын, тулалыыр эйгэлиин бу ураты тыыннаах-салгыннаах тэрээһини айхаллаата.

Бу күн торумнаммытын курдук алгыстаах аартыктар айар дьону Халамнаайыга сирдээтилэр.

Улуу убайбыт Былатыан Ойуунускай төрөөбүтэ 125 сылын көрсө Таатта "таҥаралаах" бэйиэт, доҕуһуолдьут, Олоҥхо тыйаатырын бас-көс киһитэ Битээлий Былааһап "Ойуунускайга сүгүрүйүү" диэн хоһоон уонна ырыа, кырыымпа уонна хомус, олоҥхо уонна тойук дьүөрэлэспит, ситимнэммит-силбэспит дьүрүскэн эйгэтин тэрийдэ.

Подробнее...
 

Тоҕо бэрдэй, кэрэтэй! Дьоллоох түгэн!

2018 09 18 at 09.39.01 db51dДьолго тиксии, дьоллоох түгэн, дьоһун туома, санаа хоту, анаан туран, тирээн кэлэн, күлүм күннээх, күндү күнэ буолла эбээт доҕотоор!?

Бүгүн балаҕан ыйын 12 күнүгэр ытык Таатта сиригэр хатыламмат көстүү- Халамнаайы алааһыгар "Оҕо куйуурдуу турар" мэҥэ таастан саҕалаан саха дьонун, Таатта күөн, киэн туттуута бэйиэт, мусукаан, бөлүһүөк, Олоҥхо тыйаатырын салайааччыта Битээлий Былааһап көҕүлээһининэн, тэрийиитинэн Улуу Убайбыт Ойуунускай П.А. төрөөбүтэ 125- бэлиэтиир сүгүрүйүү бэлиэтэ буолан ааста.

Аан айылҕа ортотугар, аһаҕас халлаан анныгар муусука доҕуһуоллаах, Ойуунускай Убайбыт күлүмүрдэс, күндү, сүдү айымньылара саҥалыы тыыннанан, аптаах доҕоон буолан, кылы саҕан кылыһахтаан, кутуллар дьүрүскэн ийэ кылыһаҕынан арыаллатан сыһыы- толоон, алаас, тыа устун дьүрүһүйэ кутулунна, долгуһуйа уһунна. Тоҕо бэрдэй, кэрэтэй!

Подробнее...
 

Былатыан убайбыт айымньыта - дууһа кылын таарыйар

WhatsApp Image 2018 09 17 at 13.53.31 a6e3bБыйыл сэтинньи ыйга улуу убайбыт Былатыан Ойуунускай 125 сааьын туолар .Бу убулуэй чэрчитинэн республикага элбэх тэрээьиннэр ыытыллаллара былааннанар.

Балаган ыйын 12 кунугэр Доргоон Дойду дьоьун туьулгэтигэр Ойуунускай биир дойдулаага Олонхо тыйаатырын салайааччыта Битээлий Былааьап саха саналаах кэрээччу дууьатын кылын таарыйар , сургэтин кэтэгэр олус учугэй тэрээьин буолан ааста.

Бу тэрээьин уратыта уонна солуна диэн Ойуунускай суруйууларын муусуканан догуьуоллаан киьи кутун сурун кылын таарыйан оскуолаттан билэр айымньыларбытын саналыы тыыннаан истибит уонна кэрбут кэрээччулэр дирин сэнээриилэрин ылыан ылла.

Подробнее...
 

ТААТТАЛАР ОЙУУНУСКАЙГА, СУОРУН ОМОЛЛООҤҤО СҮГҮРҮЙДҮЛЭР

IMG 1803 4899bСэмэнэп таҥара күн, балаҕан ыйын 14 күнүгэр, Олоҥхо театрын директора, биллиилээх ырыаһыт, поэт, музыкант Виталий Гаврильевич Власов П.А.Ойуунускай төрөөбүтэ 125 сылынан, норуот суруйааччыта Д.К.Сивцев-Суорун Омоллоон төрөөбүт күнүнэн төрөөбүт дойдутугар, Ытык Таатта сиригэр, Халымнаайы күөл үрдүгэр П.А.Ойуунускай «Оҕо куйуурдуу турара» айымньытынан туруоруллубут пааматынньык таһыгар, «Сэмэйдик кэлэммин сүгүрүйэн, киэпкэбин устабын» диэн ааттаан, Таатта ытык дьонугар сүгүрүйэн, П.А.Ойуунускай айымньыларынан бар дьонугар бэртээхэй дьүһүйүү-кэнсиэри бэлэхтээн барда.

Тэрээһин кыттыылаахтара дьүһүйүү-кэнсиэр иннинэ Ойуун Күөлүгэр тиийэн, Социалистическай Үлэ Геройа, Саха народнай суруйааччыта, Таатта улууһун бочуоттаах гражданина Д.К.Сивцев-Суорун Омоллоон көмүс уһуоҕун үрдүгэр тутуллубут чочуобунаҕа тиийэн, сибэкки дьөрбөтүн уурдулар, кини туһунан үтүө-мааны тылынан ахтан-санаан аастылар.

Подробнее...
 

Ойуунускайга сүгүрүйүү - Битээлий Былааһап дьүрүскэннэрэ

2018 09 12 at 22.27.59 bb810Куту-сүрү куоһуур, санааны ыраастыыр үтүө киэһэ буолла. Улуу убайбыт тыла дуорааннанан хас эмэ хос суолталанан, хаттыгастаах санаалар киирэллэр. Махтал! Махталы ыла тур!
Е.П. Чехордуна

Дьэ, доҕоор, Улуу Ойуунускай айымньыларын ырыаҕа-тойукка тиһэн, дьоҥҥо-норуокка билиһиннэрэн үтүөкэннээх да үлэ харгыстарын туорааҥҥын, туохтан да туллубакка, кимтэн да толлубакка "сүүс сыллаах былаан" буолан туругура туруо! Аар саарга аатырыа турдаҕа! УРУЙ ТУСКУО!
Пантелеймон Петров

Айар илбиһиҥ арахсыбатын! Саҥаттан саҥаны саҥара сырыт!

Подробнее...
 


Страница 5 из 250

Иван Шакуров

И.Ю. Пестряков

Афиша

"Туйаарыма Куо" (Китай) в исполнении Пекинского театра опера Куньцю
«Светлоликая Туярыма Куо» пьеса П.А. Ойунского созданная по сюжету олонхо «Нюргун Боотур Стремительный». История...
Дьырыбына Дьырылыатта
Олоҥхо театра Алтынньы ый 25 күнүгэр киэһэ 1830 чаастан П.П.Ядрихинскай Бэдьээлэ олоҥхотунан "Дьырыбына Дьырылыатта"...

Поиск

Карта посетителей