Олоҥхо Театра бэс ыйын 8, 9 күннэригэр Венера Петрова – Сайдыына Чэгдэ олоҥхо-пьесатынан суруллубут «Кубулҕат Куо» моноспектакль премьератыгар ыҥырар

Олоҥхо Театра бэс ыйын 8, 9 күннэригэр Венера Петрова – Сайдыына Чэгдэ олоҥхо-пьесатынан суруллубут «Кубулҕат Куо» моноспектакль премьератыгар ыҥырар.

Оруолу толорор Олоҥхо Театрын эдэр артыыската Лена Уваровская
Режиссер – Динислам Тутаев
Художник – Михаил Егоров
Көстүүмнэри таҥна – Сардана Федотова

Буолар сирэ: Былатыан Ойуунускай аатынан Саха театрын аччыгый саалата
Саҕаланар: 18:00
Билиэт сыаната: 100 солк.
Билсэр телефоҥҥут: 700-859, Саха театрын кассата 34-13-31

Аннотация

Кубулҕат Куо.
Куйаар бүппэт ырыата.

Ап-хомуһун баар – аан дойдуну аттарар амырыын күүс. Абааһыта-айыыта биллибэт буолан, дьүһүн кубулунан, киһи сиэрдэнэн ортотунан олохтоох ороҕун устун күнү барааччы да баара буолуо. «Кубулунуу да араастаах. Ааһар былыт албына, көһөр былыт көлдьүнэ Күбэ-Күөйэ» да «Иэдэннээх ибиирэр Идэлээх, Адьарайынан тыынар ааттаммат абааһы» да буоллар, «Көстөр көрүйэ көтүллэ сылдьарын биллэр бэйэтэ бииртэн биир буола дьүһүн кубулуйарын» билинэр. Күн улууһун күндүтэ Күбэ буолуоҕун күөмчүлүүр иккис бэйэтэ – Күөйэлиин күрэстэһэн, үчүгэй-куһаҕан буола оонньуу сылдьан, айыы аймаҕын ааттааҕын таба көрөн, тапталга таарыллан, икки бэйэтиттэн биир киһилии киэптээһин ордорон, бүтэһиктээхтик дьүһүн кубулуйуута- Кубулҕат Куо буола уларыйыыта, сирдээх халлаан ыпсыбат ыырыгар алдьатыах дуу, абырыах дуу, аналын көрсөн атын буоларга дьулуһуута бу оонньууга ойууланар.
Биирдэ кэлэр олоххо биир бэйэбит биэс буола оонньуубут, дьүһүн кубулуйабыт - ол да иһин оччоттон баччааҥҥа диэри олох олоруу умсугутуулаах да, охсуулаах да...

ТАПТАЛ диэн АЙАР КҮҮС бэйэни тосту уларытар, тупсарар, туругурдар ТАҤАР КҮҮС!

Биир бэйэбитигэр икки киһи уйаланар, икки суол эрдэттэн суруллар. Онтон хайатын таларбыт, утүө дуу, мөкү дуу өттүгэр охторбут бэйэбититтэн тутулуктаах. Таптал диэн таба талан, хат таларга, кыаҕы аһар, абы таҥара анаан айдаҕа, аараабыт аан дойдубутугар айсар, аттарар кыаҕы бэлэх уунан эрдэҕэ. Абааһы кытары атын буолар аналлаах. Үтүө мөкүтүйэрэ дөбөҥ, мөкү үтүөҕэ кубулуйара уустук, уһун, биир киһи – бүппэт Куйаар. «Кубулҕат куо» ол Куйаар бүппэт ырыата.

 

Олоҥхо театра бэс ыйыгар И.Г. Тимофеев - Теплоухов "КУРУУБАЙ ХААННААХ КУЛУН КУЛЛУСТУУР" олоҥхо-испэктээкилин премьератыгар ыҥырар.

Олоҥхо театра бэс ыйыгар И.Г. Тимофеев - Теплоухов "КУРУУБАЙ ХААННААХ КУЛУН КУЛЛУСТУУР" олоҥхо-испэктээкилин премьератыгар ыҥырар.

Буолар сирэ: Хаҥалас улууһун Өктөмүгэр, Чапаево бөһүөлэгэр, культура-сынньалаҥ киинэ "Арчы дьиэтэ".

Олоҥхону туруорааччы режиссер А.С. Борисов,
режиссер Г.С. Васильев,
туруорааччы художник М.В. Егоров,
художник С.С. Федотова;
олоҥхону театрга туруорарга сѳптѳѳх гына З.Г. Попова таҥна;

сүрүн оруолларга – Д. Алексеев, Ю. Санникова, Д. Иванов, В. Исаков, Н. Баишев, П. Баснаев, И. Дакаяров уо.д.а.

Подробнее...
 

Олоҥхо театра Сааскы Ньукуолуну бэлиэтии, сайыны көрсө айылҕаҕа ыҥырар

nikolin-den fa0c5

Айыл5абыт силигилии уһугунна,
халдьаайыга ньургуһуммут тылынна,
мутукча сытынан дыргыйда...

Ыам ыйын 22 күнүгэр

Олоҥхо театра Сааскы Ньукуолуну бэлиэтии, сайыны көрсө айылҕаҕа ыҥырар
Үгэс быһыытынан, сири аһатыы, буруону унаарытыы, сиэри-туому тутуһуу

Мустуу: 9 чаастан Саха театрыгар
Буолар сирэ: «Ытык Хайа» Атласовтар этническэй развлекательнэй комплекстара

Подробнее...
 

Виталий Власов хоһооннорунан дьүһүйүү - "Алаас - Орто дойду"

vlasov 3121f

"Алаас - Орто дойду"

Виталий Власов хоһооннорунан дьүһүйүү

Аахтылар Саха Академическай Драматическай Театрын артыыстара

2008 сыл

Подробнее...
 

Ыар сүтүк... Дмитриев Иннокентий Аксентьевич-Сиэн Чолбодук

sien cholboduk 8e5c4

Ыар сүтүк...
Дмитриев Иннокентий Аксентьевич-Сиэн Чолбодук
(12.04.1931 – 16.05.2013)

Саха литературата, ускуустубата, театральнай сойууһа ыар сүтүктэннэ. Аарыма тиит суулунна, хомуһун хомус тоhунна.
...Бэриниилээх олоҕу олордо -- Саха тыйаатырыгар, биир тэрилтэҕэ 52 сыл үлэлээтэ.
Дьоhуну оҥордо – саха норуотугар саамай элбэхтик ылламмыт «Ньургуhуннар» диэн үйэлээх ырыаны айыста.
Оҥоһууну толордо -- «Хаарыан хампа күөх кытылым» диэн саха норуотун бастыҥ испэктээкилин тылбаастаата.
Толору дьолу биллэ. Кыраhыабайдык кырыйда. Кэрэ олоҕу олордо. Чиэстээхтик айаннаата.
Итэҕэл, үгэс, сиэр-туом өйдөбүлэ – Сиэн диэн! Бу Сиэн Чолбодук олоҕо...
Убайбыт, сүбэhиппит, тыл маастара Сиэн Чолбодук, быдан дьылларга быраhаай!

Олонхо тыйаатырын бар дьоно
19.05.2013

 

Степанида Борисова - Девять песен в стиле тойук

stepanida borisova audio cd 25336

Степанида Борисова - Девять песен в стиле тойук

Подробнее...
 

ОЛОҤХО

ОЛОҤХО

Д.К. Сивцев-Суорун Омоллоон
(Саха фольклора. Хомуурунньук)
1947 с.

suorun omolloon 7dddbОлоҥхо диэнинэн бухатыырдар геройдуу охсуһууларын хоһуйан көрдөрөр эпическэй айымньылар ааттаналлар.
Олоҥхо, героическай эпос буоларын быһыытынан, кинини нуучча фольклорун жанрыгар холуйан эттэххэ, кини «былина» диэҥҥэ сөп түбэһэр. Ол гынан баран, саха олоҥхото чикэ атын, ол иһин бары үөрэхтээхтэр кини төрүт аатын кубулуппакка, жанра уратытын бэлиэтээн «олоҥхо» диэн ааттаан тутталлар.
Саха норуотун тылынан айымньытын саамай куоҕайар чыпчаала олоҥхо буолар. Кини суолтата аҥардас тыл уус-уран айымньыта буоларынан эрэ бүппэт. Кини саха норуотун историятын, философиятын, итэҕэлин, төрөөбүт айылҕатын үөрэтэргэ суолтата эмиэ улахан. Бу иһин кининэн, поэтическай ньыма сабыдыалын араҥалаан араардахтарына, туттуохтарын сөп — этнограф даҕаны, историк даҕаны, лингвист даҕаны. Оттон литература, поэзия уонна музыкальнай фольклор өттүнэн олоҥхо — саха норуотун энциклопедията, бары күндүтэ мустубут музейа. Кини саха фольклорун бары жанрдарын синтэһэ — лирическэй ырыатыттан драматыгар диэри, кини билэр бары поэтическай ньымаларын сиэркилэтэ. Киргиз омук «Манас» диэн 200 тыһыынча кэриҥэ строкалаах улуу эпопеятыгар 20 тус-туһунан музыкальнай мелодия туттуллара биллэр эбит буоллаҕына, саха олоҥхотугар туттуллар мелодия ахсаана онтон итэҕэһэ суох буолуо диэххэ сөп. Манан олоҥхо музыкальнай суолтата эмиэ улаатан тахсар.

Подробнее...
 


Страница 268 из 274

Коллектив театра

Линия жизни

Иван Шакуров

И.Ю. Пестряков

Афиша

Олоҥхо театра “Күн Эрили” диэн оҕолорго аналлаах куукуланан испэктээкилгэ ыҥырар
"Күн Эрили"Олунньу 19 20 күннэригэр 1100 1500 чаастан А.Е. Кулаковскай аатынан Норуоттар доҕордоһууларын Дьиэтигэр Олоҥхо...
Театр Олонхо приглашает на детский кукольный спектакль «Кюн Эрили»
Театр Олонхо 19 и 20 февраля 2021 г. в 1100 1500 ч. приглашает в Дом...

Поиск

Карта посетителей