Айылҕаҕа сыһыан

Айылҕаҕа сыһыан

К. Е. Кононов

 20130814 1101613039 910abАлаастар аан дойдуга суох көстүүлэр эбээт, олор үүнээйилэрин олус харыстыахха наада. Ордук кыра алаастар, кырыстара кэбирэх буоланнар, кэбэҕэстик оһорумматтар. Алаас күөлүн кытыытыттан саҕалаан үөһэ, кырдал диэки, тахсан истэххэ үүнээйи хас да суол араҥатын көрөбүт — уу үүнээйититтэн степь зонатыгар үүнээччилэргэ тиийэ.
Алаас ото-маһа, сибэккитэ аһара элбэх. Биһиги курдук уһулуччу ыарахан усулуобуйалаах дойдуга алаас үүнээйитин биологическай өттүнэн хатыламмат уратыта — күндү уонна дьикти. Дьоннор ону билбэт буолан алаас айылҕатыгар ураты сыһыаны олохтууру наадалааҕынан аахпаттар. Алаас кырдалыгар үүнэр степь үүнээйитэ ковыль волосатик, сахалыы аата биллибэт, кыракый да тэпсиини кыайан тулуйбат.
Саха сиригэр икки суол араастаах алаастар бааллар. Лена — Амма икки ардыларыгар сытар алаастар Бүлүү оройуоннарын алаастарыттан атыннар. Итинэн сибээстээн сорох алаастары заповедник, ол аата харыстанар зона оҥортуохха наада. Икки тус-туспа заповеднигы. оҥорор буоллар бэртээхэй дьыала буолуох этэ.

Подробнее...
 

БӨРӨЛӨР

БӨРӨЛӨР

(Аан аһылынна сэһэнтэн)

Реас Кулаковскай

reas kulakovskii 1b40bТүҥ хара тыаны бүрүммүт Амма улаҕатыттан бөрөлөр улуһан онолуһар саҥаларын дуораана, тибии быыһыгар ыраата-ыраата чугаһаан, иһиллитэлээн ылар. Ити иҥсэлээх ньиргиэр тойугу икки атахтаах истибэккэ хаалла. Иккис түүнүгэр, киэһэ эрдэттэн тибии ааһан, сир сиринэн, халлаан халлаанынан буолар.
Эргиччи им-ньим. Хабыс-хараҥа, тыбыс-тымныы. Бөрөлөр тибииттэн кириһэ сыппыт аппаларыгар бары хороһон олордулар. Онтон саамай баһылыктара улуйан онолутта. Атыттара, ону эрэ көһүппүттүү, арааһынай куолаһынан сыналыспытынан, дьаргыппытынан бардылар. Ити — бултуу барар ырыалара.
Бөрөлөр субуруһа айаннаан, ыарҕа үрэҕи батан, түүн үөһүн саҕана Аммаҕа киирдилэр, ол-бу диэки хайыһан иһиллээн чөрбөҥнөстүлэр. Ханна эрэ куучугуруур-хоочугуруур тыас иһиллэр. Ол тыас хоту кутуруктарын купчуччу туттан, төбөлөрүн дьүккүтэн, истэрэ систэрин үөһүгэр хам сыс-тан унньуҥнаһан истилэр. Тыас субу кэллэ. Бөрөлөр тохтоотулар. Кулгаахтарын чөрбөҥнөтөн иһиллээтилэр, хара муннуларын туора-маары мунньаҥнатан сыт ыллылар. Оҕо бөрөлөр хаһан да билбэтэх сыттаах кыылларыттан дьулайбыттыы, саараабыттыы иннилэригэр иһэр кырдьаҕас тыһы бөрө диэки көрөн, хороһон олортоон кэбистилэр. Тыһы бөрө сылгы хоҕоһотун сытын өтө биллэ. Кини хас да сыллааҕыта ийэтин үөрүгэр сыл-дьан, итинник сыттаах кыылларга түбэһэн, бэрт аһы аһаан турардааҕа. Ол иһин салбана-салбана икки өттүнэн кэннин хайыспахтаата уонна ньолбоччу түһэн сытта. Атыттар бары быардаатылар.

Подробнее...
 
 

Кубулҕат Куо

 
 
 


Страница 225 из 248

Иван Шакуров

И.Ю. Пестряков

Поиск

Карта посетителей