ОЛОҤХО ТООРОМО (Тайны олонхо)

f087bf17 ba52 4522 948f c99eeec5ff65 2da6b

ОЛОҤХО ТООРОМО
(Тайны олонхо)

1. Күн көрдө. Ый тыкта.
Сир эргийдэ. Дьон үөскээтэ.
Чээл көҕөрдө. Чэчик быкта.
Уу эрийдэ. Дьол үксээтэ...

Хаһан эрэ бу сиргэ
Олоҥхо тойуктаах саха олорбут,
Оччолорго Сибииргэ
Алгыс олуктаах олоҥхолообут...

2. Кытыйа, чороон оҕото-
Чөҥкөй иһит ханнаҕыный?
Кудай Бахсы сорҕото-
Тимир дьикти хастааххыный?

Хомус үтүөтэ-
Чылыгырас тыаһыгар,
Дьүрүс көтүүтэ-
Тардыырыктаах тыалыгар?!.

3. Саха олоҕо-
Алаас куйаар таһыма!
Саха тордоҕо-
Күн олоҥхо талыма!

Өйүнэн өлбөтү булуу-
Улуу дэнэр!
Олоҥхо саҥалаах буолуу-
Өрүү үүнэр!

4. Ойуунускай тыла-
Саха сиэрэ!
Олоҥхоттон ыла-
Саха сирэ!

Тимир ууһа убайым-
Тимири эллиир,
Олоҥхоһут түҥ баайым-
Күн тылын биилиир...

5. Сарыы этэрбэһи кэппит
Өбүгэбин суоллуубун!
Төрүт дорҕооннору иэппит
Тойуксуппун суохтуубун!

Этэн- тыынан барар
Чабырҕахсыт ханнаҕыный?
Ыраах- чугас сылдьар
Олоҥхоһут хайдаххыный?!.

2003 с. Виталий Власов- Биттики Былаас

Вернуться назад  

Иван Шакуров

И.Ю. Пестряков

Афиша

"Туйаарыма Куо" (Китай) в исполнении Пекинского театра опера Куньцю
«Светлоликая Туярыма Куо» пьеса П.А. Ойунского созданная по сюжету олонхо «Нюргун Боотур Стремительный». История...

Поиск