Олоҥхо тыыннах эйгэтин салгыы кэҥэтии

dekada1 cdf4fБыйыл Өрөспүүбүлүкэҕэ 12-с төгүлүн Олоҥхо Декадата олоҥхону харыстааһыҥҥа, тарҕатыыга ыытыллар үгүс өрүттээх, кэскиллээх үлэлэр түмүктээх буолалларын туһугар куйаар ситимин араас көрүҥүнэн киэҥ тэрээһиннээхтик ыытыллан ааста. Тэрийээччилэринэн Култуура уонна духуобунай сайдыы Министиэристибэтэ, Олоҥхо Тыйаатыра, НВК "Саха" КИХ, Олоҥхо Киинэ, Олоҥхо Ассоциация филиаллара буоллулар. Куйаар ситиминэн ыытыллыбыт тэрээһиннэри элбэх киһи киирэн көрдө, сэргээтэ, санаатын эттэ. Маны сэргэ өрөспүүбүлүкэ улуустарыгар былаан быһыытынан элбэх тэрээһин ыытылынна.
2005 с. сэтинньи 25 күнэ олоҥхобут ЮНЕСКО курдук аан дойду таһымнаах тэрилтэ билиниитин ылан, киһи аймах тылынан уонна өйүнэн айбыт чулуу айымньыларын кэккэтигэр киирбитинэн, СӨ Президенин Ыйааҕынан Олоҥхо күнүнэн биллэрбитэ. Бу Ыйаах төрөөбүт култуурабыт сайдыытыгар саҥа кэрдиис кэми арыйар дьоһун суолталаах судаарыстыба дьаһала буолла.

2009 с. Олоҥхо Киинин үлэһиттэрэ бу күн суолтатын сыаналаан, үрдэтэн, норуот бүттүүн бырааһынньыгын курдук тэрээһиннээхтик ыытар үгэһи олохтуур сыалтан, сыл ахсын сэтинньи ыйга Олоҥхо Декадатын ыытарга этии киллэрбиттэрэ. Ол тута өйөнөн, Олоҥхо Декадата Өрөспүүбүлүкэ улахан тэрээһиннэрин тиһигэр киирэн, быйыл 12 сылын ыытылынна. Ол кэмтэн ыла Олоҥхо Киинэ сыл аайы Декадаҕа эрдэттэн былаан, балаһыанньа оҥорон, үлэ түмүгүн таһааран, бастыҥнары бэлиэтээн, Олоҥхо Дьиэлэрин, Олоҥхо Ассоциациятын филиалларын үтүө өйөбүллэринэн бэйэтин тула өрөспүүбүлүкэ общественноһын түмэ тардан, үгүс өрүттээх кэскиллээх үлэни ыытан кэллэ.
dekada2 c1371Быйылгы Олоҥхо декадатын бырагыраамата олус киэҥ далааһыннаах, дириҥ ис хоһоонноохтук, тэрээһиннээхтик ыытыллан ааста. Олоҥхо декадатын арыллыыта «Саха» көрдөрөр-иһитиннэрэр хампаанньа ханаалыгар бэрт сэргэхтик ыытылынна.
Сэтинньи 25 күнүгэр Олоҥхо эйгэтин салгыы кэҥэтии тула сэһэргэһии ыытылынна. Сэһэргэһиини Ф.В. Шишигина иилээн-саҕалаан ыытта. Тэрээһин кыттыылаахтарын Олоҥхо уон сылын тэрийэн ыытар Ил Дархан иһинэн Национальнай кэмитиэт бэрэссэдээтэлэ Александр Николаевич Жирков эҕэрдэлээтэ. Үөһээ Бүлүүттэн, Тааттаттан, Мэҥэ Хаҥаластан, Өлүөхүмэттэн уонна Дьокуускай куораттан, быһа сибээскэ тахсан, Олоҥхо күнүнэн эҕэрдэлэһэн, 14 киһи санаатын үллэһиннэ. Кинилэр олоҥхо эйгэтин салгыы кэҥэтэн, хас биирдии түөлбэҕэ, саха ыалыгар ийэ тыл уонна олоҥхо тыына баар буоларын ситиһиигэ өссө да бииргэ үлэлииргэ баҕаларын биллэрдилэр. Олоҥхо тыыннаах эйгэтэ олохсуйдаҕына, ыал аайы төрүт үгэстэргэ тирэнэн олоҕу тэринэригэр кыах үөскүүрүн бэлиэтээн эттилэр. Билигин үлэлиир дьон өйөнөн, үгэс быһыытынан олоҥхону толоруу тиллэн эрэрэ бөҕөх санааны үөскэтэн, дьон-сэргэ санаатын көтөҕөрө бэлиэтэннэ.
2020 сыл түмүгүнэн, «Бастыҥ олоҥхону тарҕатааччы» Анал аат Тихонов Петр Максимовичка, «Бастыҥ олоҥхону толорооччу» - Кривошапкин Дмитрий Ивановичка, «Бастыҥ олоҥхоҕо уһуйааччы» - Мордовская Наталья Иннокентьевнаҕа ананна, онтон "Бастыҥ үлэлээх Олоҥхо Ассоциациятын филиала" үрдүк аат Уус Алдан улууһун Олоҥхо Ассоциациятын филиалыгар (салайааччы Борисов Михаил Васильевич) иҥэрилиннэ. Олоҥхону толорор оҕолор ортолоругар «Бастыҥ олоҥхону толорооччу” Анал аат Винокуров Ваняҕа (Нам улууһа), Яковлева Дариянаҕа (Амма улууһу), Иванов Андрейга (Ньурба улууһа), Гоголев Уйгулааҥҥа (Сунтаар улууһа), Шамаева Сайыынаҕа (Бүлүү улууһа) ананна. Күндү оҕолорбутугар уонна кинилэр уһуйааччыларыгар ситиһиилэринэн истиҥ эҕэрдэбитин ыытабыт, салгыы айымньылаахтык үлэлииллэригэр эрэлбитин биллэрэбит.
dekada3 8ccf0Олоҥхо күннэрин чэрчитинэн олоҥхону толорор оҕолорго аналлаах «Олоҥхо дойдутун оҕотобун”, ыччат ортотугар «Муҥха олоҥхото» уонна улахан дьоҥҥо анаан «Уруйдан, улуу олоҥхобут» өрөспүүбүлүкэтээҕи онлайн-бэстибээллэр ситииһиилээхтик ыытылыннылар. Бу бэстибээллэр детсад, оскуола оҕолоругар, ыччат уонна улахан дьон ортотугар олоҥхо курдук саха норуотун уус-уран айымньытын бөдөҥ көрүҥэр улахан интэриэһи өрүү үөскэтэллэр.
Бүгүн «Олоҥхо дойдутун оҕотобун” бэстибээлгэ сыл аайы 300-тэн тахса кыттар, олоҥхону дьарык оҥостон толорор оҕолор баар буоллулар. Бэстибээлгэ олоҥхону үгэс быһыытынан толоруу утумун салҕааһыҥҥа, толоруу сатабылын сайыннарыыга улахан суолта ууруллар. Маны таһынан, тэрээһин саҥа талааннары арыйар, оҕолору чинчийэр, айар үлэҕэ көҕүлүүр, бастыҥ үлэ уопутун киэҥ эйгэҕэ таһаарар аналлаах.
«Олоҥхо дойдутун оҕотобун” бэстибээл быйыл куйаар ситиминэн 23 төгүлүн ыытылынна. Уопсайа 220 оҕо кытынна, ол иһигэр, 28 дакылаат, биирдиилээн толорууга оскуола саастаах 38 оҕо, 11 бөлөҕүнэн толоруу, детсад оҕолоро - биирдиилээн 7, 10 бөлөҕүнэн толоруу.
Быйыл оҕо, ыччат толоруутун сыаналыыр дьүүллүүр сүбэҕэ ф.н.к. Олоҥхо Киинин салайааччыта филол.н.к. А.Е. Захарова, М.К. Аммосов аатынан ХИФУ профессора, п.н.к. Г.С. Попова-Санаайа, ГЧуоннаХААНПҮӨИ научнай үлэһитэ, филол.н.к. А.Н. Данилова, Олоҥхо Киинин сүрүннүүр исписэлиистэрэ Е.Н. Протодьяконова, У.М. Флегонтова уонна З.Г. Сысолятина үлэлээтилэр.
dekada4 32fb6Быйылгы бэстибээллэрбит түмүгүнэн бастыҥнарынан ааттаннылар:
Уһуйаан оҕолоро. Биирдиилээн толоруу
"Бастыҥ толорооччу" I таһым - Кривошапкина Күннэй, “Кустук” уһуйаан, Партизан с., Нам улууһа. Салайааччы Мордосова Саргылана Ивановна. "Бастыҥ толорооччу" II таһым - Егорова Арина 6 с., 82 №-х “Мичээр” уһуйаан, Дьокуускай к. Салайааччы Васильева Анна Васильевна. "Бастыҥ толорооччу" III таһым - Дьячковскай Айысхан. «Сулусчаан" уһуйаан, Сылаҥ, Чурапчы улууһа. Салайааччы Винокурова Людмила Васильевна.
Маны таһынан Анал ааттар иҥэрилиннилэр.
Уһуйаан оҕолоро. Бөлөҕүнэн толоруу
"Бастын толорооччулар" I таһым - 82 №-х “Мичээр” уһуйаан, Дьокуускай к. Салайааччы Васильева Анна Васильевна. "Бастыҥ толорооччулар" II таһым - “Туску” этнобөлөх, “Туллукчаан” оҕо сайдар киинэ, Чурапчы нэһ., Чурапчы улууһа. Салайааччы Захарова Ирина Дмитриевна. "Бастыҥ толорооччулар" III таһым - “Мичил” уһуйаан бөлөҕө, Чурапчы улууһа. Салайааччылар: Пермякова Евгения Егоровна, Батарина Марина Ивановна
Маны таһынан Анал ааттар иҥэрилиннилэр.
Оскуола оҕолоро. Биирдиилээн толоруу
"Бастыҥ толорооччу" I таһым - Яковлева Дарияна Федоровна, А.А. Черемных аатынан Амматааҕы оҕо искусствотын оскуолата. Салайааччы Софронова Анисья Даниловна. "Бастыҥ толорооччу" II таһым - Макарова Анна Семеновна, 8 кыл. Эрилик Эристиин аатынан Чакыр орто оскуолата, Чурапчы улууһа. Салайааччы Адамова Татьяна Ивановна. "Бастыҥ толорооччу" III таһым - Колодезников Иван, 8 кыл. Лөгөй орто оскуолата, Кэптэни сэл., Уус Алдан улууһа. Салайааччы Лугинова Зинаида Петровна.
Маны таһынан Анал ааттар иҥэрилиннилэр.
Оскуола оҕолоро. Бөлөҕүнэн толоруу
"Бастыҥ толорооччулар" I таһым - Нарыйаана, Туйгууна, Чэмэлиинэ Павловалар, 1, 2, 4 кыл., С.А. Новгородов аатынан Чурапчы орто оскуолата. Салайааччы Павлова Татьяна Михайловна. "Бастыҥ толорооччулар" II таһым - “Дьөһөгөй оҕолоро”, 3 кыл., И.М. Павлов аатынан Чурапчы 2№ орто оскуолата, Чурапчы улууһа. Салайааччы Сидорова Христина Петровна. "Бастыҥ толорооччулар" III таһым - “Манчаары сиэннэрэ”, Майа с., Мэҥэ Хаҥалас улууһа. Салайааччылар Ефремова Ульяна Максимовна, Кривошапкина Валентина Федоровна.
dekada5 b4f80Маны таһынан Анал ааттар иҥэрилиннилэр.
Олоҥхону чинчийэр үлэ
"Бастыҥ чинчийии" I таһым – Иванова Вилена, 11 кыл., Д.С. Спиридонов аатынан Үөһээ Бүлүү 4 №-дээх орто оскуолата. Салайааччы Яковлева Марина Сергеевна. "Бастыҥ чинчийии" II таһым – Евграфова Айыына, 4 кыл, А.П. Илларионов аатынан Хайахсыт орто оскуолата, Чурапчы улууһа. Салайааччы Потапова Прасковья Николаевна. "Бастыҥ чинчийии" III таһым - Бурцева Сандаара Мирославовна, 7 кыл., Дьокуускай к. 26 № орто оскуолата. Салайааччы Бурцева Елена Иннокентьевна
Маны таһынан Анал ааттар иҥэрилиннилэр.
"Мунха олоҥхото" бэстибээл 17 сыл ыытыллан кэллэ. Быйылгы бэстибээлгэ чахчы олоҥхону толорууну баһылаабыт ыччаттар түһүлгэлээтилэр.
Гран-при үрдүк аат - Виталий Никифоров, Лоомтука сэл., Мэҥэ Хаҥалас улууһа. "Бастыҥ олонхону толорооччу» I таһыма - Яна Нюргусова, I Хомустаах, Нам улууһа. "Олоҥхону бастыҥ толорооччу" II таһыма - Настя Алексеева, Чурапчы Чакырыттан төрүттээх Олоҥхо тыйаатырын артыыһа. "Олоҥхону бастыҥ толорооччу" III таһыма - Сайаана Попова, КуоИК студенката.
Бөлөҕүнэн толоруу
"Бастыҥ олоҥхону толорооччулар" I таһыма - "Көһөҥө ситимэ" бөлөх, Таатта улууґа, Чөркөөх сэл., салайааччы Яковлева Мотрена Петровна. "Бастыҥ олоҥхону толорооччулар" II таһыма - "Ой Дуораана" бөлөх, Чурапчы улууһа, Чурапчы нэһилиэгэ, салайааччы Дохунаева Марианна Степанова. "Бастыҥ олоҥхону толорооччулар" III таһыма - "Ноо" бөлөх, Чурапчы "Айылгы" норуот айымньытын Дьиэтэ, салайааччы Лыткин Гаврил Гаврильевич.
Сыралаах үлэ ыытыллан, быйылгы бэстибээллэр түмүктэринэн, олоҥхону үгэс быһыытынан толоруу үрдүк кэрдиискэ тахсыбыта, чинчийии таһыма үрдээбитэ уонна оҕолору дьарыктыыр уһуйааччы ахсаана элбээн иһэрэ бэлиэтэннэ. Билиҥҥи балаһыанньа ыараханын аахсыбакка, бэстибээллэргэ кыттыбыт оҕо-ыччат дьоммутугар, уһуйааччыларга истиҥ махталбытын тиэрдэбит.
Бэстибээлгэ кыттан бэлиэтэммит оҕолорго сертификат, дипломнар, анал бириистэр туттарыллаллар.
Олоҥхо тыыннаах эйгэтин үөскэтиигэ, үгэс быһыытынан олоҥхону толоруу сайдар саҕахтарын салгыырга улахан дьон ортугар өрөспүүбүлүкэтээҕи «Уруйдан, улуу олоҥхобут» бэстибээл 15 сыл устата тиһигин быспакка дьоһуннаахтык тэриллэн, дьону көҕүлээн, бэйэтэ оскуола кэриэтэ сайдан кэлбит суолтата улахан. Быйыл 15 киһи алта улуустан, куораттан кыттыыны ыллылар. 35 мүнүүтэттэн 2 чааска тиийэ уһуннаах олоҥхолору толорон ыыттылар.
Дьүүллүүр сүбэҕэ бу 15 сыл тухары бэстибээлгэ толорооччулары көрбүт, сыаналаабыт ытыктабыллаах дьоммут Илларионов В.В., профессор, филол.н.д., П.А. Ойуунускай аатынан Судаарыстыбаннай бириэмийэ лауреата; Толбонова Н.С., СӨ култууратын үтүөлээх үлэһитэ, бэстибээли төрүттээччи; Захарова А.Е., филол.н.к., П.А. Ойуунускай аатынан Судаарыстыбаннай бириэмийэ лауреата, Олоҥхо Киинин салайааччыта; Решетникова А.П., ист.н.к., музыковед, СӨ народнай артыыһа, РФ искусствотын үтүөлээх деятелэ; Протодьяконова Е.Н., Олоҥхо Киинин научнай үлэһитэ, СӨ Олоҥхо Ассоциациятын 1 вице-президенэ, П.А. Ойуунускай аатынан Судаарыстыбаннай бириэмийэ лауреата кытыннылар, бэйэлэрин сыанабылларын, сүбэлэрин эттилэр.
Быйылгы бэстибээл түмүгүнэн кыайыылааҕынан таҕыстылар:
65-тэн үөһээ саастаахтарга
Гран-при - Черноградскай Семен Ильич (Уус-Алдан улууһа);
I ст. лауреат - Попов Афанасий Николаевич (Таатта улууһа);
II ст. лауреат - Тимофеев Никандр Прокопьевич (Дьокуускай);
III ст. лауреат - Христофоров Анатолий Николаевич (Чурапчы улууһа).
35-65 саастаахтарга
I ст. лауреат - Макарова Изабелла Ивановна (Сунтаар улууһа);
II ст. лауреат - Эконова Наталья Ивановна (Сунтаар улууһа);
III ст. лауреат - Цыпандина Вера Прокопьевна (Нам улууһа).
Маны таһынан Анал ааттар иҥэрилиннилэр.
dekada6 3e785Сэтинньи 30 күнүгэр «Уруйдан, улуу олоҥхобут» бэстибээл 15 сылыгар аналлаах аһаҕас кэпсэтии буолан ааста. Бэстибээл балаһыанньатын быһыытынан, олоҥхону үгэс быһыытынан толоруу уратылара тутуһуллан кэллэ. Олоҥхо улуус-улуус аайы уратытык толоруллар эгэлгэлээх, тус-туспа оскуолалаах, ону салгыы сөргүтүү соруга туруоруллан, 15 сыл устата хамсааһын таҕыста.
Элбэх санаа этилиннэ: түөлбэ олоҥхото саха сайдыыта диэн санаа салгыы тутуһуллара наадата, түөлбэ аайы бэйэ олоҥхотун-оһуохайын дэгэтин этэр-ыллыыр дьону булан, үлэни тэрийиини көҕүлүүр тоҕоостооҕун эттилэр; бүгүн да олоҥхо, ырыа-тойук, оһуохай уруккутун, түөлбэтин киэнин тутан илдьэ сылдьар дьон бааллар, оннук дьону истэ-иһиллии сылдьан булан иһитиннэриэххэ; уус-уран айымньы – тыыннаахтыы тылтан тылга, уостан уоска бэриллэн - маннык ньыманан тарҕыырын умнумуохха диэн.
Кэпсэтии түмүгүнэн «Уруйдан, улуу олоҥхобут» бэстибээл үлэтин уопутун араадьыйа, телевизор анал былааннарыгар киллэрэн, киэҥник тарҕатыылара наадатын; кыаллар буоллаҕына, олоҥхону үгэс быһыытынан толорууну үөрэтиигэ анал биэрии-кыһатын тэрийиэххэ сөбүн; бэстибээлгэ кыттыбат улуустары көҕүлээһин; улахан дьоммутугар бу ыытыллар бэстибээл уонна Олоҥхо Ыһыаҕыттан ураты кинилэргэ анаан олоҥхоҕо атын киэҥ түһүлгэ суоҕа кэрэгэйин; хотугу олохтоох омуктар эпостарын тилиннэрэр үлэ ситэ көҕүлэммэтин; толорооччу үлэтин уопутун чөкөтүү, олоҥхону истии, ааҕыы эйгэтин кэҥэтии наадатын; бэйэ түөлбэ олоҥхотун, култуураны тилиннэрэр сыалтан олоҥхо лааҕырын тэриниэххэ сөбүн туһунан; улуус ахсын олорон ааспыт олоҥхоһуттар тыыннарын тилиннэриигэ түөлбэ олоҥхоһуттар урукку толорууларын булан, элбэтэн дьоҥҥо тарҕатар наадатын; дьүүллүүр сүбэ састааба уларыйбата тэҥнээн көрөр, утумнаах дьарыгырыыны ырытар, саҥа киирээччини эҥин барытын эридьиэстиир кыахтанарын; олоҥхону толорооччубут салгыы сайдарыгар көмөлөһөр үлэни өссө киэҥник ыытыахха наадатын, миэстэтигэр кинилэри өйүүр, үлэлиир усулуобуйаны тэрийэн, кэлиини-барыыны төлөөн, бары өттүнэн өйөөһүн салгыы утумнаахтык дьарыктанан, санаалара кэлэн өссө сайдыы барыан сөбүн; хас биирдии толорооччу олоҥхоҕо харыстабыллаахтык сыһыаннаһан, олоҥхо үгэс буолбут толоруллуута сүппэтин, кэлэр кэнчээри ыччакка бара турарын туһугар кыһаллыахтааҕын; ыччаты итэҕэли кытта ситимнээн олоҥхо үөрэҕинэн сайыннарар, киһи оҥорор сорук турара этилиннэ. Онон олоҥхо эйгэтин бары өттүнэн өйүөххэ, үбүлүөххэ, баай-байылыат оҥоруохха наадата тоһоҕолоон этилиннэ.
dekada7 50762Былырыын сэтинньи 27 күнүгэр “Якутский героический эпос олонхо: сохранение, изучение и развитие”диэн филол.н.к., П.А. Ойуунускай аат. судаарыстыбаннай бириэмийэ лауреата А.Е. Захарова 75 сааһыгар анаан ыытыллыбыт научнай-практическай кэмпириэнсийэ матырыйаалларынан тахсыбыт хомуурунньук сүрэхтэниитэ быйыл ахсынньы 4 күнүгэр буолан ааста. Ол саҕана кэмпириэнсийэ бырагырааматыгар барыта 90-тан тахса сайаапка киэҥ сиринэн тайаан, Турцияттан, Кыргызстантан, Туркменияттан, Москваттан, Санкт Петербургтан, Калмыкия госуниверситетыттан, Карелия, Башкортостан РНА Кииннэриттэн, Алтайтан, Крымтан уонна Саха сириттэн киирбитэ.
Хомуурунньук редакциялыыр бөлөҕөр филол.н.д.-дара Т.А. Бакчиев, А.Н. Варламов, ист.н.д. С.И. Боякова, пед.н.д. Е.М. Поликарпова, филол.н.к. Д.В. Убушиева, “Олоҥхо тыйаатыра” СӨ АТ директорын э.т. М.В. Турантаева. киирдилэр. Үлэни сыаналаатылар: филол.н.д. В.Б. Окорокова, филол.н.к. А.Н. Данилова. Эппиэттиир эрэдээктэр: А.Е. Захарова; хомуйан оҥордо: У.М. Флегонтова.
Хомуурунньукка матырыйааллары таҥыы кэмпириэнсийэ ыытыллыбыт тосхолугар олоҕуран, ааптар үлэтэ алпабыытынан киирдэ. Редколлегияны, биирдиилээн ааптары кытта үлэ түмүгүнэн, киирбит сэттэ уонтан тахса үлэ көрдөрүүтүнэн, наука дьоно 49,6%, онтон практиктар - 50,4 % ылан, олоҥхобут туһунан наука чинчийиитэ, ону олоххо киллэрии биир тэҥинэн бара турара кэрэһэлэннэ.
Бүгүҥҥү кэм хараҕынан, саха олоҥхотун бары өттүттэн, ол иһигэр атын норуоттар эпостарын туһунан, үлэлэргэ: олоҥхо тылын, тойугун ырытыы, омук эпоһын кытта тэҥнээһин, тылбаастааһын, орто, орто анал, үрдүк үөрэххэ эпическэй нэһилиэстибэни үөрэтиигэ хайысха, тумус санаалар, о.д.а. чинчийээччилэр баай матырыйааллара туһалаах билии, ыйыы, сүбэ буолуо. Онтон үөрэх, култуура дьонун үлэлэрин бастыҥ уопутун кэпсиир үгүс үлэ: үгэс буолбут толорууну тилиннэрии, улуустар олоҥхонон ыытар бырайыактара, үгүс оскуола олоҥхоҕо ыытар үлэтэ, о.д.а. олоҥхобут эйгэтэ киэҥник тарҕатылла сылдьарын туоһулаата. Ол иһигэр Таатта улууһун “Сулусчаан” оҕо уһуйааныттан киирбит 12 үлэ уопута бэйэтэ дьоһун сэһэн буолла.
Бу курдук, хомуурунньукка олоҕуран, наука үлэһитэ чинчийиитэ олоххо киириитин кэтээн көрөр кыахтанна, онтон олоххо киллэрээччи үлэтин наукалыын алтыһыытын быһаарыа диибит. Бу барыта үөрэх, наука, култуура хардарыта байытыһар ситимнээх үлэтэ буолар. Онон билиҥҥи кэмҥэ олоҥхобутун харыстааһын, үөрэтии уонна салгыы сайыннарыы хайдах быһыылаахтык бара турарын туһунан өйү-санааны, үлэһи-хамнаһы түмэр улахан үлэ таҕыста.
Олоҥхо күнүнэн Олоҥхо Декадатыгар кыттан, Ийэ тылбыт уонна олоҥхобут сайдарын туһугар ыытар кэскиллээх үлэҕит тахсыылаах буоллун, бука барыгытыгар айымньылаах үлэҕитигэр ситиһиини баҕарабыт, тус олоххутугар дьол тосхойдун!

Научнай методическай үлэҕэ уонна тас сибээскэ
Олоҥхо Киинин сүрүннүүр үлэһиттэрэ,
Елена Протодьяконова, Ульяна Флегонтова

Вернуться назад  

Иван Шакуров

И.Ю. Пестряков

Афиша

Мы Открылись! Театр Олонхо приглашает на спектакли-олонхо
Мы Открылись! Театр Олонхо приглашает на спектаклиолонхо в постановках Гаврила Менкярова «Ала Булкун» 23 декабря...
Олоҥхо тыйаатыра олоҥхо дьиктилээх-алыптаах эйгэтигэр ыҥырар!
Олоҥхо тыйаатыра Өксөкүлээх Өлөксөй аатынан Норуоттар доҕордоһууларын Дьиэтигэр бар дьонун олоҥхо дьиктилээхалыптаах эйгэтигэр ыҥырар!Ол курдук...

Поиск