Таатталар, тоҕо манныккытый?

 20180914 1033043495 496a6Биһигини Таатталары, улууспутуттан тэйиччи атын сирдэргэ сырыттахпытына үгүстэ истээччибит дьоннортон маннык тылы: “Таатталар, тоҕо манныккытый?” – диэн.
“Таатталар, тоҕо манныккытый?” – диэн соһуйа ыйыталлар, тоҕо диэтэр Таатта киһитэ тыла – өһө ыраас уонна көнө, кини тойуктуур уонна ыллыыр, кини бу баай саха санаатын кыайан тылга тиһэн суруйар уонна онтукатын дорҕоонноохтук ааҕыан сөп. Уонна кини ити хаачыстыбаларын дьону кытары үллэстэрин ордорор.
Кими да санаппата, да? Бу ди, сахалыы тыыннаах чөл киһи. Үөрдэҕинэ ырыатын ыллыыр, санаа араастаан хамныырыгар төрөөбүт тылынан суруйан, оннугар атын араас элбэх ахсааннаах бутулла сылдьар дьону бэйэтин таһымыгар таһаарар киһи.
Мин саныахпар, Таатта диэн улуус эрэ аата буолбакка, Таатта диэн тыл глагол. “Мин олохпор Таатталыы сыһыаннаһабын”, эбэтэр “Мин Таатталыы бу дьыаланы быһаарыам” – диэннэр ол аата “Мин олохпор ытыктабыллаахтык, харса суохтук, харастыбаллаахтык сыһыаннаһабын” диэн, эбэтэр “Мин тобуллубаттык бу дьыаланы быһаарыам” – диэн буолар.

 20180916 1253946032 37494Киһи мэлдьэһэрэ суох, атын сахаларбыт Таатталары ытыктаан Туймаада хочотун бүүс бүтүннүү кинилэр памятниктарынан толорбуттар. Сотору кэминэн “Оржанканы” – “Ойуунускай болуоссада” дэттэрэрбит бу турдаҕа.
Ол аата атыттарга биһиги холобурдарбыт. Саха хайдах буолуохтааҕын төрүккүттэн Таатталартан холобур көрөллөрө. Ону хайыыр да кыах суох. Бу көстөн турар, ким да мэлдьэспэт кырдьыга эбит.
Ол курдук биһиги Чөркөөхтөр, Виталий Власов, Гаврил, Власий Вырдылиннар буолан Улуу убайбыт Былатыан Ойуунускай 125 сааһыгар анаан, Халамнаайы эбэ үрдүгэр дьүһүйүү күнүн тэрийэн ыыттыбыт.
Тэрийиигэ 100 – тэн тахса киһи кыттыыны ылла.
Атын улуустар төрөөбүт сирдэргитинэн төрөөбүт улуу дьонноргутун ытыктыыр маннык курдук аһаҕас халлааҥҥа дьүһүйүү тэрээһинин ыытыаххытын сөп эбит.
Сахалары түмэр төрөөбүт тылбытыгар тапталбыт, өйү – санааны бэйэ – бэйэбитигэр күүһүрдэн баҕарар үтүө санааларбыт.

Былаас Вырдылин

Вернуться назад  

Иван Шакуров

И.Ю. Пестряков

Афиша

"Туйаарыма Куо" (Китай) в исполнении Пекинского театра опера Куньцю
«Светлоликая Туярыма Куо» пьеса П.А. Ойунского созданная по сюжету олонхо «Нюргун Боотур Стремительный». История...
Дьырыбына Дьырылыатта
Олоҥхо театра Алтынньы ый 25 күнүгэр киэһэ 1830 чаастан П.П.Ядрихинскай Бэдьээлэ олоҥхотунан "Дьырыбына Дьырылыатта"...

Поиск