Атын турук

 20180918 1077057380 624e1Бэҕэһээни быһа үлэбэт "Таатта үрэх үрдүгэр..." диэн ыллыы сырыттым. Аны мантан инньэ олоҕум Былааһы кытта Тааттаҕа сырыым иннинэ уонна кэннинэ диэн арахсара буолуо. Атын турук, атын таһым, атын санаа.

Мин кэллим Тааттаттан- бу Ытык сирдэртэн, биир тутум үрдээммин, санаалыын сырдааммын...

Туох эрэ оһуобай турукка билигин да киирэ сылдьар курдукпун. Дьиктитэ баара Тааттаҕа сылдьан утуйаары гыннахпына киэһээ кулгааҕым иһэ дьикти тыаһы истэрэ- сүрэх тэбэрин курдук дүҥүр охсор тыас.

Сахаайтаттан ыйытабын ээ, баҕар Мотя дьиэтигэр туох эрэ тыпһыыра буолуо диэн, ону кини истибэппин, киһини куттаама туох да тыаһаабат диир. Сарсыарда туран киирэн-тахсан дьиэҕэ чугаһаан истэхпинэ "саха чулуу уола- суор кэлэн субу дьиэ үрдүгэр олорон, төттөрү-таары хаамыталаан хаһыытыы сылдьар эбит... чэ ити хааллын.

Подробнее...
 

Таатталар, тоҕо манныккытый?

 20180914 1033043495 496a6Биһигини Таатталары, улууспутуттан тэйиччи атын сирдэргэ сырыттахпытына үгүстэ истээччибит дьоннортон маннык тылы: “Таатталар, тоҕо манныккытый?” – диэн.
“Таатталар, тоҕо манныккытый?” – диэн соһуйа ыйыталлар, тоҕо диэтэр Таатта киһитэ тыла – өһө ыраас уонна көнө, кини тойуктуур уонна ыллыыр, кини бу баай саха санаатын кыайан тылга тиһэн суруйар уонна онтукатын дорҕоонноохтук ааҕыан сөп. Уонна кини ити хаачыстыбаларын дьону кытары үллэстэрин ордорор.
Кими да санаппата, да? Бу ди, сахалыы тыыннаах чөл киһи. Үөрдэҕинэ ырыатын ыллыыр, санаа араастаан хамныырыгар төрөөбүт тылынан суруйан, оннугар атын араас элбэх ахсааннаах бутулла сылдьар дьону бэйэтин таһымыгар таһаарар киһи.
Мин саныахпар, Таатта диэн улуус эрэ аата буолбакка, Таатта диэн тыл глагол. “Мин олохпор Таатталыы сыһыаннаһабын”, эбэтэр “Мин Таатталыы бу дьыаланы быһаарыам” – диэннэр ол аата “Мин олохпор ытыктабыллаахтык, харса суохтук, харастыбаллаахтык сыһыаннаһабын” диэн, эбэтэр “Мин тобуллубаттык бу дьыаланы быһаарыам” – диэн буолар.

Подробнее...
 

Ойуунускайга сүгүрүйүү

 20180914 1644638170 343caП.А.Ойуунускай 125 с.аналлаах " Дорҕоон Дойду" киинигэр Саха республикатын искусствотын үтүөлээх деятелэ, поэт, музыкант, Олонхо театрын директора В.Г.Власов " Кыл Саха" - бөлөх кыттыылаах дьоро киэһэ буолан ааста. П.А.Ойуунускай үтүө аатыгар сүгүрүйэр өйгө сүрэххэ, кукка - сүргэ сөнөр дьоро киэһэни бэлэхтээбит В.Г.Власовка, бары кыттыылаахтарга барҕа махтал тыллар этилиннилэр.

"Үс саха төрүөҕэр
Үөрүүлээх күнүгэр
Мин аатым ааттаныа
Мин ырыам ылланыа"- хайдах курдук эрэнэн этиллибит тылларый?

Ойуунускай олоҕун, айымньытын толорууну киһи истэн истиэх курдук этэн тыынан,тоҕоостоох айымньыга доҕуһуоллаан, тыыннаан,ол ааспыт кэмнэргэ тиийтэлээн,сороҕор сонньуоран ылабыт.

Подробнее...
 

Нохтолоох тойон сүрэх долгуйда

 20180914 1147999667 ca5daБалаҕан ыйын 14 күнэ 2018 сыл. Бу күн Талба Таатта сиригэр ураты бэлиэ күн буолан ааста. Анаабыт курдук чаҕылхай күн үөһэ күөрэйэн сырдык ыраас да күн буолла. Бу күн!

Бу күн сүдү киһибит Суорун Омоллоон төрөөбүт күнүгэр саха чулуу уола П.А.Ойуунускай 125 с анаммыт Виталий Гаврильевич Власов уонна "Кыл сахалара" фольклорнай бөлөх Былатыан Ойуунускай айымньыларынан дьүрүлгэнэ аһаҕас халлаан анныгар Былатыан үтэлэнэн үөрэхтэммит Халымнаайы күөлүн үрдүгэр ыытылынна.

Дьүрүлгэн алгыһынан аһыллан, ураты уйаҕастык киһи этин сааһынан киирэн дьикти дорҕоон кутулунна. Улуу киһибитигэр эдэрдиин, эмэнниин өйдүүн-санаалыын, сүрэхтиин-быардыын сүгүрүйэн олорон 2 чаас устата улугурбакка умсугуйан иһиттибит, көрдүбүт.

Подробнее...
 

ДЬҮРҮЛГЭН АБЫЛАҤА

 20180914 1040257252 32e58Балаҕан ыйын 12 күнүгэр киэһэ 5 ч. саҕалаан "Дорҕоон дойду" чөкө уораҕайыгар Битээлий Былааһап улуу Ойуунускай төрөөбүтэ 125 с. анаан, кини айымьыларыгар муусуканан доҕуһуоллаан кэнсиэр туруорбутугар сылдьан, дириҥ иэйиигэ ылларан, санаам көтөҕүллэн, күүспэр күүс эбиллэн куоратым устун хардыылаатым.

Битээлий Былааһап айар кутун "Кыл кылыһах" ансаамбыл ситэрэн-хоторон, төлөннүрэ уматан, сиэринэн сириэдитэн биэрбиттэрин көрөөччүлэр сэргии иһиттилэр. Мустубут дьон истэригэр эдэр бэйээт Хабырыыс Ондуруоһап, Саха национальнай оркестрын салайааччыта Ньукулай Бөтүрүөп бааллар эбит.

Истээччилэр-көрөөччүлэр бары да Былатыан Ойуунускай айымньыларын кыраларыттан умсугуйа аахпыт, сүгэ-балта тылларын эттэригэр-хааннарыгар, өйдөрүгэр-санааларыгар иҥэриммит дьон буолан, муусука абылаҥар бастакы дорҕоонтон ыла саба куустардылар. Битээлий хара маҥнайгыттан улуу Ойуунускай убайыгар, кини айар талааныгар сүгүрүйэрин биллэрэн муҥурун биллэрбэтэх киэҥ уонна дириҥ далайыгар оҕо сылдьан умсаахтаабытын, тылын-ууһун утаппыттыы испитин истиҥник билиһиннэрбитин бары да сэргии иһиттибит.

Подробнее...
 


Страница 9 из 81

Иван Шакуров

И.Ю. Пестряков

Афиша

"Туйаарыма Куо" (Китай) в исполнении Пекинского театра опера Куньцю
«Светлоликая Туярыма Куо» пьеса П.А. Ойунского созданная по сюжету олонхо «Нюргун Боотур Стремительный». История...

Поиск