"КЭТЭЬИИ"

"КЭТЭЬИИ"

П.А.Ойуунускай тыллара
Сергей Сыроватскай -Мичилий матыыба

Илбис тылбын истээри,
Имэн дьайын билээри,
Уорэр-котор буоларым,
Уорэ-дьуорэ туойарым...

Хос ырыата:
Ырыа-тойук тыкаарам,
Ыллыах-туойуох, гитарам,
Тохтор комус дор5оонум.
То5о бу мин тохтоотум?

Сааскы кунум тахсыыта,
Сана олох сырдыыта
Илбис тыллаах этиэ5э,
Имэн дьайдаах кэлиэ5э...

Хос ырыата:

Кэлэр сааска тиийиэхпит,
Кэрэ тылы истиэхпит, -
Уорэр-котор буолуохха,
Уорэ-дьуорэ туойуохха!

Хос ырыата:

2003.

 

СҮҮС СЫЛЛААХ УЛУУ БЫЛААН

СҮҮС СЫЛЛААХ УЛУУ БЫЛААН

392275 1e9a4«Таптыыр табаарыстарыам! Үөлээннээх үтүө доҕотторуом! Этиэххитин эттигит, ыйытыаххытын ыйыттыгыт. Мин даҕаны өйүм ситэринэн, күүһүм кыайарынан кэпсээн көрүөм буоллаҕа.

1937 сыллаах дьылга, аны сүүрбэ сылынан, норуоппут бука барыта кэппэрээссийэҕэ холбоһуоҕа, оччоҕо биир даҕаны чааһынай атыыһыты, баһаар кульдьаҕаларын, куорат торҕон бөрөлөрүн, торгуомсук аартаах дьону уотунан даа көрдөөн, сиппииринэн даа сиппийэн көрүөхпүт, булуохпут суоҕа.

1967 сыллаах дьылга, бу Саха сиригэр буор сыбахтаах, муус түннүктээх балаҕан дьиэни биири даҕаны көрүөхпүт суоҕа, күндээр таас түннүктээх, кырааскалаах муосталаах ньуучча дьиэтэ туругуруоҕа. Үллэр доруосалаах, көтөҕүүлээх ас аһаныаҕа.
Бэс үөрэ, үтэһэлээх лэппээски төрүт сүтүөхтэрэ, нэһилиэк аайы оскуола аһыллыаҕа, оҕотун үөрэттэрбэт киһи буруйдаах-аньыылаах курдук көрүллүөҕэ, эр, дьахтар диэн төрүт аахсыллыбат буолуоҕа. Дьахтар сайдан, үөрэнэн, эр киһини гытта хайа даа үлэни барытын кыайар, сатыыр буолуоҕа. Дьахтары сыньньар, мөҥөр умнуллуоҕа, сүтүөҕэ. Биир эмэ оннук эр киһи баар буоллаҕына — иирбит ыт курдук туора көрүллүөҕэ, аата хараарыаҕа, сирэйэ киртийиэҕэ, онтон атын буолуор сытаммат.

Подробнее...
 

Өркөн өй өргөстөөх

Өркөн өй өргөстөөх,
Өрөгөй ырыалаах,
Чулууттан-чулуубут
Былатыан убайбыт,
Самныбат санаалаах,
Сайаҕас саханы
Сайдыылаах олоххо
Суол ыйан сирдээри,
Батталаах олохтоох
Уот-Моҕой моонньутун
Быһыта охсоору
Бухатыыр уол буолан,
Бу орто дойдуга
Тирэнэ түспүтэ
Сүүс сүүрбэ биэс сылынан!!!

П.Новиков-Дьүкээбил

 

Улуукан убайбыт Былатыан

Улуукан убайбыт Былатыан,
Уһуктан турдаҕын астыгыан!
Бу манан хаампыккын туоһулаан,
Бар дьоҥҥо холбостуҥ хардыылаан!

Өбүгэ үгэһин сөргүтэн,
Өлбөөрбөт өйдөбүл иҥэрэн,
Аныгы көлүөнэ ыччакка
Аартыгы арыйдыҥ сырдыкка!

Биир үйэ аннараа өттүгэр,
Дирбийэн дарбыйан тахсаҥҥыт,
Борустуой үлэһит туһугар,
Доргуччу саҥаран барбыккыт ...

Өстөөҕү өһөрөр инниттэн,
Өргөһү туппуккут биититтэн,
Өлүүнү өрөйөн көрсөҥҥүт,
Өрүөллэр этигит көтөҥҥүт.

Баараҕай соругу сурунан,
Баайдары барыкка киллэрэн,
Үлэһит хамначчыт дьоннору
Үрдэттиҥ, үөрэтэн, толору!

Эдэркээн сүүрбэлээх саастаргар,
Эн эппит тылларын туоллулар,
Олоҥхо тылынан суруйбут
Олоҕуҥ саҕахтан тупсубут.

Сахалар саҥабыт сайдыыта,
Самныбат кэскилэ түстэннэ,
Кыһыл Ойуун илэ көрүүтэ
Кырдьыгын булунан тилиннэ.

Үс саха үөскүүрүн түстээҥҥин,
Түөрт саха үөрүөҕүн этэҥҥин,
Эн Ырыаҥ үгүстүк ылланна,
Эн Аатыҥ үйэҕэ ааттанна!

Бүөтүр, Уус Алдан,
27.04.2018

 

ОЙУУНУСКАЙБЫТ 125 сааһынан!

unnamed 43e03Күндү төрөппүттэрим, ис сүрэхтэн ЫТЫКТЫЫР, СҮГҮРҮЙЭР, КИЭН ТУТТАР УЛУУ ОЙУУНУСКАЙБЫТ 125 сааһынан тиэрдэбин!
Учууталлаабытым тухары ОЙУУНУСКАЙЫ сүрэхтиин өрөкүйэн, дууһалыын манньыйан, үөрэн-долгуйан туран үөрэппитим. Айымньытын оҕолорго ааҕа туран, этим сааһа аһыллааччы. Киһи сүргэтин көтөҕөр ис күүстээх...УЛУУТА, СҮҤКЭНЭ, СӨҔҮМЭРЭ, ТЫЛЫН КҮҮҺЭ, ИЧЧИЛЭЭҔЭ бэрт буоллаҕа эбээт! Хас эппит тыла-өһө дириҥ ис түгэхтээх, ырааҕы эҥсэр таабырыннаах.
Ойуунускай бастатан туран, уохтаах-уоттаах, илбис тыллаах, төлөннөөх трибун- поэт.
Оттон бүгүн мин Ойуунускайы лирик поэт быһыытынан көрдөрөр киһи дууһатын таарыйар истиҥ иэйиилээх айымньыларын эһиэхэ аахтарыахпын баҕардым. Чугас дьонугар анаабыт...
Ааҕыҥ... дуоһуйуҥ...

Подробнее...
 


Страница 6 из 81

Иван Шакуров

И.Ю. Пестряков

Афиша

"Туйаарыма Куо" (Китай) в исполнении Пекинского театра опера Куньцю
«Светлоликая Туярыма Куо» пьеса П.А. Ойунского созданная по сюжету олонхо «Нюргун Боотур Стремительный». История...

Поиск