Ойуунускай

1021474952 42b83Алтыска дуу, сэттискэ дуу үөрэнэ сылдьабын. Саха тылыгар Владимир Романович Тобоохоп үөрэтэр. Ойуунускайтан тугу эрэ бардыбыт.Учууталбыт эттэ:
-Сахаттан улахан суруйааччы Былытыан Ойуунускай тахсан испитэ.Эрдэ туораабатаҕа буоллар элбэҕи айыа хааллаҕа.
Владимир Романович эппитин испэр киллэрбэтим.Хайдах итиччэни айбыт киһини туох эрэ саҥа суруйан иһэн тохтоон хаалбыт эдэр суруйааччы курдук этэрий дии санаатым.
Туох эмэ диэн чап гыннарыах киһи "баҕар, итинник саҥарыллыахтааҕа буолуо" диэн санааттан иҥнэн хааллым быһыылаах.Оччотооҕу мин аҕай дэммит мэник тэник, тылга тииспит, олоп чолоп уолаттар бэһис алтыс кылааска сахалыы кинигэни барытын аахпыт буоламмыт, ама Ойуунускай тугу суруйбутун билиэхпит суоҕа дуо.
Сэттэ туомнаах, кытархай хоҥор тастаах, ол таһыгар Ойуунускай барельеф курдук мөссүөннээх, дьоҕус эрээри лис курдук кинигэни сөҕө махтайа тутар хабар, ааҕар этибит.Аахтыбыт да "ону аахтым, маны аахтым" диэн бэйэ бэйэбитигэр киһиргэһэрбит эмиэ кэмнээх буолуо дуо?Билигин санаатахха , оччотооҕу орой мэник бэдиктэр Ойуунускай туһунан сүрэхпитинэн сэрэйэн оҥорор өйдөбүлбүт сөрү сөп буолар эбит.Ол биһиги бэрпит буолуо баара дуо-оччотооҕу эйгэ уратыта буоллаҕа.

Подробнее...
 

"КЭТЭЬИИ"

"КЭТЭЬИИ"

П.А.Ойуунускай тыллара
Сергей Сыроватскай -Мичилий матыыба

Илбис тылбын истээри,
Имэн дьайын билээри,
Уорэр-котор буоларым,
Уорэ-дьуорэ туойарым...

Хос ырыата:
Ырыа-тойук тыкаарам,
Ыллыах-туойуох, гитарам,
Тохтор комус дор5оонум.
То5о бу мин тохтоотум?

Сааскы кунум тахсыыта,
Сана олох сырдыыта
Илбис тыллаах этиэ5э,
Имэн дьайдаах кэлиэ5э...

Хос ырыата:

Кэлэр сааска тиийиэхпит,
Кэрэ тылы истиэхпит, -
Уорэр-котор буолуохха,
Уорэ-дьуорэ туойуохха!

Хос ырыата:

2003.

 

СҮҮС СЫЛЛААХ УЛУУ БЫЛААН

СҮҮС СЫЛЛААХ УЛУУ БЫЛААН

392275 1e9a4«Таптыыр табаарыстарыам! Үөлээннээх үтүө доҕотторуом! Этиэххитин эттигит, ыйытыаххытын ыйыттыгыт. Мин даҕаны өйүм ситэринэн, күүһүм кыайарынан кэпсээн көрүөм буоллаҕа.

1937 сыллаах дьылга, аны сүүрбэ сылынан, норуоппут бука барыта кэппэрээссийэҕэ холбоһуоҕа, оччоҕо биир даҕаны чааһынай атыыһыты, баһаар кульдьаҕаларын, куорат торҕон бөрөлөрүн, торгуомсук аартаах дьону уотунан даа көрдөөн, сиппииринэн даа сиппийэн көрүөхпүт, булуохпут суоҕа.

1967 сыллаах дьылга, бу Саха сиригэр буор сыбахтаах, муус түннүктээх балаҕан дьиэни биири даҕаны көрүөхпүт суоҕа, күндээр таас түннүктээх, кырааскалаах муосталаах ньуучча дьиэтэ туругуруоҕа. Үллэр доруосалаах, көтөҕүүлээх ас аһаныаҕа.
Бэс үөрэ, үтэһэлээх лэппээски төрүт сүтүөхтэрэ, нэһилиэк аайы оскуола аһыллыаҕа, оҕотун үөрэттэрбэт киһи буруйдаах-аньыылаах курдук көрүллүөҕэ, эр, дьахтар диэн төрүт аахсыллыбат буолуоҕа. Дьахтар сайдан, үөрэнэн, эр киһини гытта хайа даа үлэни барытын кыайар, сатыыр буолуоҕа. Дьахтары сыньньар, мөҥөр умнуллуоҕа, сүтүөҕэ. Биир эмэ оннук эр киһи баар буоллаҕына — иирбит ыт курдук туора көрүллүөҕэ, аата хараарыаҕа, сирэйэ киртийиэҕэ, онтон атын буолуор сытаммат.

Подробнее...
 

Өркөн өй өргөстөөх

Өркөн өй өргөстөөх,
Өрөгөй ырыалаах,
Чулууттан-чулуубут
Былатыан убайбыт,
Самныбат санаалаах,
Сайаҕас саханы
Сайдыылаах олоххо
Суол ыйан сирдээри,
Батталаах олохтоох
Уот-Моҕой моонньутун
Быһыта охсоору
Бухатыыр уол буолан,
Бу орто дойдуга
Тирэнэ түспүтэ
Сүүс сүүрбэ биэс сылынан!!!

П.Новиков-Дьүкээбил

 

Улуукан убайбыт Былатыан

Улуукан убайбыт Былатыан,
Уһуктан турдаҕын астыгыан!
Бу манан хаампыккын туоһулаан,
Бар дьоҥҥо холбостуҥ хардыылаан!

Өбүгэ үгэһин сөргүтэн,
Өлбөөрбөт өйдөбүл иҥэрэн,
Аныгы көлүөнэ ыччакка
Аартыгы арыйдыҥ сырдыкка!

Биир үйэ аннараа өттүгэр,
Дирбийэн дарбыйан тахсаҥҥыт,
Борустуой үлэһит туһугар,
Доргуччу саҥаран барбыккыт ...

Өстөөҕү өһөрөр инниттэн,
Өргөһү туппуккут биититтэн,
Өлүүнү өрөйөн көрсөҥҥүт,
Өрүөллэр этигит көтөҥҥүт.

Баараҕай соругу сурунан,
Баайдары барыкка киллэрэн,
Үлэһит хамначчыт дьоннору
Үрдэттиҥ, үөрэтэн, толору!

Эдэркээн сүүрбэлээх саастаргар,
Эн эппит тылларын туоллулар,
Олоҥхо тылынан суруйбут
Олоҕуҥ саҕахтан тупсубут.

Сахалар саҥабыт сайдыыта,
Самныбат кэскилэ түстэннэ,
Кыһыл Ойуун илэ көрүүтэ
Кырдьыгын булунан тилиннэ.

Үс саха үөскүүрүн түстээҥҥин,
Түөрт саха үөрүөҕүн этэҥҥин,
Эн Ырыаҥ үгүстүк ылланна,
Эн Аатыҥ үйэҕэ ааттанна!

Бүөтүр, Уус Алдан,
27.04.2018

 


Страница 3 из 78

Иван Шакуров

И.Ю. Пестряков

Афиша

"Туйаарыма Куо" (Китай) в исполнении Пекинского театра опера Куньцю
«Светлоликая Туярыма Куо» пьеса П.А. Ойунского созданная по сюжету олонхо «Нюргун Боотур Стремительный». История...

Поиск