Өксөкүлээх Өлөксөй “Ойуун түүлэ” поэматынан испэктээгэр бар дьоммутун ыҥырабыт!

Саха классик суруйааччыта Алексей Елисеевич Кулаковскай айар үлэтин 120 сылынан, Олоҥхо тыйаатыра төрүттэмитэ 12 сыла (биир мөһүлгэ) туолбутунан Өксөкүлээх Өлөксөй “Ойуун түүлэ” поэматынан испэктээгэр бар дьонун ыҥырар!

Айар тыл аҕата, поэт, наука араас көрүҥнэригэр маҥнайгы оҥкулу оҥорбут чинчийээччи, улуу бөлүһүөк, айанньыт А. Е. Кулаковскай поэзиятын чулуу көстүүтүнэн уонна чыпчаалынан “Ойуун түүлэ” поэма буолар. Өксөкүлээх Өлөксөй сүҥкэн суолталаах айымньытыгар ХХ үйэҕэ эрэ буолбакка, биһиги үйэбитигэр эмиэ киһи-аймахха суоһуур алдьархайдары: экология алларыйыытын, техническэй сайдыы сири-дойдуну кээрэтиитин, киһи ахсаана элбээһинин, улуу көһүүнү, кылаастар охсуһууларын, сэрии төрүөттэрин, судаарыстыбалар сыһыаннара уустугуруутун, кыра норуоттар эстэр дьылҕаларын уонна онтон быыһаныы, сайдыы суолларын ойуун түүлүн нөҥүө иччилээх-илбистээх тылларынан этитэн көрдөрбүтэ.
Олоҥхо тыйаатыра быйыл “Ойуун түүлэ” поэманан испэктээгин адьас сонуннук туруорда. Онон сахалыы тыллаах бар дьоммутун Өксөкүлээх Өлөксөй үйэлээх үтүө аатын өрө тутан, кини аатын сүгэр Норуоттар доҕордоһууларын Дьиэтигэр кулун тутар 15 күнүгэр, киэһэ 17:00 чааска “Ойуун түүлэ” испэктээккэ ыҥырабыт.

Туруорааччы режиссер: РФ ускуустубатын үтүөлээх диэйэтэлэ, РФ народнай артыыһа, А. Е. Кулаковскай аатынан Судаарыстыбаннай бириэмийэ лауреата Андрей Борисов;
режиссер: Гаврил Менкяров;
инсценировка ааптардара: Майя Власьева, Дмитрий Хоютанов;
худуоһунньуктар: Михаил Егоров, Сардаана Федотова;
Доҕуһуол: Руслан Габышев, Иванида Алексеева, Вероника Лыткина, Прокопий Сыроватский.

​Биэнсийэлээхтэр, II, III группалаах инбэлииттэр, устудьуоннар, оскуола үөрэнээччилэрэ, элбэх оҕолоох дьиэ кэргэн туоһулуур докумуоҥҥутун кассаҕа көрдөрөн, 50% чэпчэтиилээх билиэти атыылаһыаххытын сөп.
Билсиһэр төлөпүөҥҥүт: 34-03-19, 8-964-422-60-22
Билиэти tesserus.com кассаларыгар атыылаһыаххытын сөп.

Вернуться назад  

Иван Шакуров

И.Ю. Пестряков

Афиша

“Өрүс бэлэхтэрэ” испэктээк премьератыгар ыҥырабыт!
Дьокуускай куорат олохтоохторо уонна ыалдьыттара!Өксөкүлээх Өлөксөй үйэлээх үтүө аатын өрө тутан кини аатын сүгэр Норуоттар...
Өксөкүлээх Өлөксөй “Ойуун түүлэ” поэматынан испэктээгэр бар дьоммутун ыҥырабыт!
Саха классик суруйааччыта Алексей Елисеевич Кулаковскай айар үлэтин 120 сылынан Олоҥхо тыйаатыра төрүттэмитэ 12 сыла...

Поиск